07:24 21 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Հայաստան
Ստանալ կարճ հղումը
61 0 0

Հայաստանում արդեն հայտնվել են հեղուկ գազի լցակայաններ, սակայն դրանց կից պահեստարաններ դեռ չկան։ Դա է պատճառը, որ մատակարարումների հետ կապված խափանումներն արդեն իմաց են տվել իրենց մասին։

ԵՐԵՎԱՆ, 31 մարտի – Sputnik. Հայաստան հեղուկ գազի մատակարարման ծավալները ժամանակավորապես կրճատվել էին կորոնավիրուսի հետ կապված իրավիճակի պատճառով։ Սակայն ժամանակավոր դժվարություններից հետո մատակարարումը վերսկսկվել է, և վերջին օրերին հեղուկ գազի պակաս չկա։ Sputnik Արմենիայի հետ զրույցում տեղեկությունը հայտնեց «Էքսպերտ Թեչ» գազաբալոնների տեղադրման և վերանորոգման ընկերության տնօրեն Մկրտիչ Տիգրանյանը։

Հայաստանը հեղուկ գազը ստանում է հիմնականում Ռուսաստանից, Իրաքից և Իրանից։ Վերջին շրջանում մատակարարման գործը փոքր–ինչ բարդացել էր սահմաններին առկա դժվարությունների պատճառով (ինչպես իրանական ուղղությամբ, այնպես էլ վրաց–ռուսական)։

Վերին Լարսի անցակետում դժվարություններ էին առաջացել Ռուսաստանից Վրաստան մեքենաների մուտքի հետ կապված։ Վրաստանի Մեռնեուլի շրջանում, որտեղով մեքենաները շարժվում են դեպի Հայաստան, կարանտին է մտցվել։ Վերջերս Ամերիկայի և Վրաստանի իշխանությունների համաձայնությամբ այստեղ միջանցք էր բացվել հայաստանյան բեռնատարների համար, և ապրանքներ տեղափոխելն ավելի էր հեշտացել։

Ինչ վերաբերում է Իրանին, ապա այստեղ ՀՀ իշխանությունը ներմուծման և արտահանման համար թույլատրված ապրանքների ցանկ է սահմանել։ Վառելիքը, ինչպես նաև բժշկական պարագաները ներառված են այդ ցանկում։ Պարզապես, ինչպես պարզաբանեց Տիգրանյանը, լոգիստիկան այստեղ էլ է մի փոքր դժվարացել։

Փաշինյանն ու Լուկաշենկոն հեռախոսազրույց են ունեցել․ ԵԱՏՄ ղեկավարները կհանդիպե՞ն

Գազի արտահանման համար որևէ սահմանափակում չկա։ Հակառակը, նրանք նույնիսկ ուզում են այն վաճառել, որպեսզի երկիր եկամուտ մտնի, սակայն խնդիրներ են եղել առաքման հետ կապված։

Իսկ ամենակարևորը` հեղուկ գազի լցակայանները դեռ խոշոր պահեստարաններ չունեն։ Այս վառելիքը Հայաստանի համար նոր է, և գազալցակայանները համեմատաբար վերջերս են հայտնվել։ Դրա համար էլ մատակարարումների խափանման դեպքում խնդրի առաջ չկանգնելու համար գազալցակայանների սեփականատերերը դեռ դրանց կից պահեստարաններ չեն հասցրել կառուցել։

«Սակայն նրանք ապահովության համար արդեն սկսել են կառուցել դրանցից»,–հավելեց Տիգրանյանը։

Նշենք, որ Հայաստանում մեքենաների համար ամենատարածված վառելիքը շարունակում է մնալ սեղմված բնական գազը: Դրանով է աշխատում երկրի մեքենաների շուրջ 80%–ը։

Հիշեցնենք, որ կորոնավիրուսի տարածման պատճառով ուղևորափոխադրումների և բեռնափոխադրումների համար սահմանափակումներ են մտցվել և՛ Հայաստանում, և՛ հարևան երկրներում։

Մհեր Գրիգորյանը ռուսական կողմին առաջարկում է գազի գնի նվազեցման շուրջ բանակցություն սկսել

Ըստ թեմայի

Թուրքմենական գազը սվոփ համակարգով ՀՀ մատակարարելու նախագիծը ձեռնտու է 3 երկրին. փորձագետ
Նավթն իր հետևից ռուսական գազի գները ներքև չի տանի. ահա թե ինչու
Հայաստանին մատակարարվող ռուսական գազի գինը ներկա պահին դեռ համարվում է արտոնյալ. Գրիգորյան
թեգերը:
Ռուսաստան, Հայաստան, գազալցակայան, գազ

Գլխավոր թեմաներ