01:48 28 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հայաստան
Ստանալ կարճ հղումը
ՀՀ վարչապետ Նիկոլ Փաշինյան (1020)
96 0 0

Ինժեներներն այժմ աշխատում են թոքերի արհեստական շնչառության նոր սարքերի նախագծման և արտադրության մշակումների վրա և կոնկրետ առաջարկություններ են ներկայացնելու նախարարությանը։

ԵՐԵՎԱՆ, 3 ապրիլի – Sputnik. ՀՀ վարչապետ Նիկոլ Փաշինյանը ՀՀ պաշտպանության նախարար Դավիթ Տոնոյանի և բարձր տեխնոլոգիական արդյունաբերության նախարար Հակոբ Արշակյանի ուղեկցությամբ այցելել է «Ինժեներական քաղաք»: Տեղեկությունը հայտնում է վարչապետի մամուլի ծառայությունը։

Կառավարության ղեկավարին նախ ներկայացվել են հայ մասնագետների կողմից ռազմական նշանակության տեխնիկական միջոցների մշակումներն ու լուծումները, այնուհետև վարչապետը ծանոթացել է թոքերի արհեստական շնչառության սարքերի վերանորոգման աշխատանքներին:

Հայաստանի ինժեներական ասոցիացիայի ներկայացուցիչները նշել են, որ այժմ աշխատում են թոքերի արհեստական շնչառության նոր սարքերի նախագծման, իրականացման, ամբողջական կամ մասնակի արտադրության մշակումների վրա և կոնկրետ առաջարկություններ են ներկայացնելու ՀՀ բարձր տեխնոլոգիական արդյունաբերության նախարարություն:

Միաժամանակ նշվել է, որ մասնագետները հաջողությամբ կարողանում են վերականգնել սարքերը, որոնք մինչ այդ գտնվում էին պահեստներում:

Վարչապետը կարևորել է վերը նշված ուղղություններով հայ ինժեներների աշխատանքները և նշել, որ կառավարությունն իր հերթին պատրաստ է օժանդակել ծրագրերի արդյունավետ իրականացմանը:

Аппараты искусственной вентиляции легких в Инженерном городе (3 апреля 2020). Еревaн
© Photo / official site of the Prime minister of RA.
Թոքերի արհեստական շնչառության սարքեր

Հիշեցնենք` Հայաստանում կորոնավիրուսով վարակվածների թիվն արդեն հասել է 736–ի։ Կորոնովիրուսի տարածման կանխարգելման համար Հայաստանում մարտի 16-ից ապրիլի 14–ն արտակարգ դրություն է սահմանվել։ 

 

թեմա:
ՀՀ վարչապետ Նիկոլ Փաշինյան (1020)

Ըստ թեմայի

ԵՄ–ն 51 մլն եվրո կտրամադրի Հայաստանին կորոնավիրուսի դեմ պայքարելու նպատակով
Չինաստանը Հայաստանին բժշկական արտահագուստ և թոքերի արհեստական օդափոխման սարքեր կտրամադրի
Կորոնավիրուսի դեմ պայքար. Համաշխարհային բանկը 3 միլիոն դոլար է հատկացրել Հայաստանին
թեգերը:
Նիկոլ Փաշինյան, Հայաստան

Գլխավոր թեմաներ