18:54 12 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Հայաստան
Ստանալ կարճ հղումը
Ռոբերտ Քոչարյանի գործը (443)
59 0 0

ՀՀ երկրորդ նախագահի պաշտպանական թիմը նշում է, որ Հայաստանում կորոնավիրուսի տարածման հետևանքով ստեղծված իրավիճակում հաշվի չեն առնվում Քոչարյանի տարիքն ու առողջական խնդիրները։

ԵՐԵՎԱՆ, 7 ապրիլի - Sputnik. ՀՀ երկրորդ նախագահ Ռոբերտ Քոչարյանի փաստաբան Արամ Վարդևանյանը կրկին դիմել է Մարդու իրավունքների պաշտպան Արման Թաթոյանին։ Տեղեկությունը հայտնում է Քոչարյանի փաստաբանական թիմը։

Վարդևանյանն իր դիմումով ՄԻՊ-ի ուշադրությունը հրավիրել է Երևան քաղաքի ընդհանուր իրավասության դատարանի կազմակերպչական բնույթի խնդիրների վրա։ Պաշտպանն նշել է, որ դատարանի կազմակերպչական աշխատանքի թերացումներն առաջացնում են մարդու մի շարք իրավունքների կոպտագույն խախտումներ։

«Պաշտպանն ընդգծել է, որ Ռոբերտ Քոչարյանին վերաբերող դատական գործընթացի շուրջ ստեղծված իրավիճակը շարունակում է մնալ նույնը։ Գործը քննող դատավոր Աննա Դանիբեկյանի առողջական վիճակի և նրա՝ աշխատանքի վերադառնալու վերաբերյալ տեղեկություն չկա»,- նշված է հայտարարության մեջ։

Փաստաբանական թիմը մտահոգություն է հայտնում, որ Հայաստանում կորոնավիրուսի տարածման հետևանքով ստեղծված իրավիճակում հաշվի չեն առնվում Ռոբերտ Քոչարյանի տարիքն ու առողջական խնդիրները։ Մինչդեռ, ըստ փաստաբանների, դրանց առկայությունը ենթադրում է անհապաղ նիստի անցկացում։

Հիշեցնենք, որ մարտի 17-ին դատարանը պետք է քններ ՀՀ երկրորդ նախագահ Ռոբերտ Քոչարյանի խափանման միջոց կալանքը անձնական երաշխավորությամբ փոխարինելու միջնորդությունը, սակայն դատական նիստ դեռևս չի կայացել։

Հավելենք, որ փաստաբան Արամ Վարդևանյանը ՄԻՊ-ին առաջին դիմումը ներկայացրել էր մարտի 24-ին։

թեմա:
Ռոբերտ Քոչարյանի գործը (443)

Ըստ թեմայի

Ռոբերտ Քոչարյանի գործով նոր դատավոր չի նշանակվի
Քոչարյանին կալանքից ազատելու հարցը դեռևս կմնա առկախված
Ռոբերտ Քոչարյանը դուրս է գրվել հիվանդանոցից
թեգերը:
ՀՀ ՄԻՊ, Ռոբերտ Քոչարյան, Հայաստան

Գլխավոր թեմաներ