ԵՐԵՎԱՆ, 8 ապրիլի – Sputnik. Այսօր և վաղը Տավուշի, Սյունիքի և Արցախի հովտային գոտիներում օդում սպասվում է -2․․․-3, հողի մակերևույթին՝ -4․․․-5 աստիճան ցուրտ։ Ապրիլի 8-ի լույս 9-ի գիշերն Արարատյան դաշտում և նրա նախալեռնային գոտում օդում հնարավոր է 0․․․-1, հողի մակերևույթին՝ -2․․․-3 աստիճան ցուրտ։ Տեղեկությունը հաղորդում է ՀՀ ԱԻՆ մամուլի ծառայությունը:
Այսօր Լոռիում, Տավուշում, Սյունիքում և Արցախում ժամանակ առ ժամանակ սպասվում են տեղումներ, լեռնային շրջաններում՝ ձյան տեսքով։ Ապրիլի 9-10-ը, 12-ին սպասվում է առանց տեղումների եղանակ:
«Ցրտահարության վտանգ կա». Սուրենյանը խորհուրդ է տալիս ջեռուցել ջերմոցները
Քամին՝ հյուսիս-արևելյան՝ 3-8 մ/վ, առանձին վայրերում սպասվում է քամու ուժգնացում՝ 15-20 մ/վ։
Օդի ջերմաստիճանն աստիճանաբար կնվազի 6-8, Լոռիում, Տավուշում, Սյունիքում և Արցախում՝ 12-15 աստիճանով։
Երևան քաղաքում ապրիլի 8-10-ը, 12-ին սպասվում է առանց տեղումների եղանակ։ Ապրիլի 11-ին ժամանակ առ ժամանակ սպասվում է անձրև։
Ասում են՝ տարիներ, գուցեև դարեր առաջ մի աղքատ կին ապրիլյան առաջին արևները տեսնելուց հետո մտածում է՝ ինչ լավ է, գիժ մարտն ավարտվեց, և ուլերը սարն է հանում` արածեցնելու:
Մարտն էլ գազազում, ապրիլից 2 շաբաթ է փոխ առնում ու շարունակում իր գժությունը:
Հենց պառավը ուլերին սարն է հասցնում, մի քանի օր շարունակ ուժեղ անձրևներ են սկսվում, ուլերը կոտորվում են:
Եթե հավատալու լինենք ժողովրդական այս ավանդությանը, առաջիկա օրերի եղանակը հենց այս տրամաբանության մեջ էլ տեղավորվում է:
Հայաստանից փախած «պառավը», հորդառատ անձրևն ու ձյունը. տեսանյութ և լուսանկարներ