16:12 04 հունիսի 2020
Ուղիղ եթեր
  • USD482.38
  • GBP607.22
  • EUR540.89
  • RUB7.05
Հայաստան
Ստանալ կարճ հղումը
102 0 0

Նախարարի խոսքով՝ թոքերի արհեստական շնչառության սարքերի նախագծումը շատ բարդ պրոցես է և մեկ շաբաթում կամ նույնիսկ մեկ ամսում լուծվող հարց չէ։

ԵՐԵՎԱՆ, 8 ապրիլի – Sputnik. Բարձր տեխնոլոգիական արդյունաբերության նախարար Հակոբ Արշակյանն այսօր հրավիրված ասուլիսի ժամանակ հայտարարեց, որ այս պահին ունեն թոքերի արհեստական շնչառության 10 սարքեր, որոնք վերանորոգվել են և ենթական են շահագործման։

«Անհրաժեշտության դեպքում մենք կարող ենք դա տրամադրել Առողջապահության նախարարությանը։ Գործընթացը շարունակվում է, և մենք ամեն օր տարբեր հաղորդագրություններ ենք ստանում, որ այս կամ այն վայրում առկա է թոքերի արհեստական շնչառության սարք, որն ունի տեխնիկական խնդիրներ։ Մենք այդ սարքերը հավաքագրելուց հետո տրամադրում ենք ինժեներական ասոցիացիային, որոնք էլ դրանք վերանորոգում են և բերում աշխատանքային վիճակի»,-ասաց նախարարը։

Ըստ Արշակյանի՝ թոքերի արհեստական շնչառության սարքերը պետք է ունենան արձագանքման համակարգեր, տարբեր տեսակի տվիչներ, սենսորներ, որոնք գնահատում են հիվանդի վիճակը և ըստ այդ տվյալների են գործում, որպեսզի ավելի չվատթարացնեն հիվանդների վիճակը և նրանց կյանքին ու առողջությանը սպառնալիք չդառնան։

COVID-19. ի՞նչ տեխնիկա են ռուս մասնագետները բերել Հայաստան․ տեսանյութ

«Այդ սարքը չպետք է միայն պոմպի դեր կատարի՝ օդը մղելով և արտամղելով թոքեր, այլ պետք է լիարժեք փոխարինի շնչառական համակարգին։ Այդպիսի սարքերի նախագծումը շատ բարդ պրոցես է և մեկ շաբաթում կամ նույնիսկ մեկ ամսում լուծվող հարց չէ»,-ասաց նա։

Արշակյանի խոսքով Հայաստանում առկա արտադրական գործարանները, ինժեներական կայացած ընկերությունները, համալսարանները, գիտահետազոտական խմբերը պատրաստակամություն են հայտնել միանալ թոքերի արհեստական օդափոխման սարքերի նախագծման, թեստավորման, լաբարատոր փորձարկումների, պահեստամասերի և այլ բաղադրիչների արտադրության կամ ներկրման հարցում։

Հիշեցնենք՝ Հայաստանում կորոնավիրուսով վարակվածերի թիվն այսօր դարձել 881:

Այսօր ժամը 11-ի տվյալներով՝ Հայաստանում բուժվածների թիվը 114 է, փաստացի բուժման մեջ է 758 հիվանդ, որոնցից 8-ը ծայրահեղ ծանր վիճակում են։ 4571 թեստի պատասխան բացասական է եղել: 9 մարդ մահացել է: 8 հիվանդի վիճակը ծայրահեղ ծանր է:

Պարետ Տիգրան Ավինյանի որոշմամբ՝ Հայաստանում մինչև ապրիլի 12-ը գործում են արտակարգ ռեժիմի խստացման պայմաններ. չի աշխատում հասարակական տրանսպորտը, 39 տարվա մեջ առաջին անգամ գործունեությունը դադարեցրել է Երևանի մետրոպոլիտենը:

Քաղաքացիները տնից դուրս գալ կարող են միայն ծայրահեղ անհրաժեշտության դեպքում՝ իրենց հետ ունենալով անձը հաստատող փաստաթուղթ և հատուկ ձևաթուղթ:

Հայաստանում 9-րդ մարդն է մահացել կորոնավիրուսից. դեպքը գրանցվել է Արտաշատի հիվանդանոցում

Ըստ թեմայի

Չինաստանը Հայաստանին բժշկական արտահագուստ և թոքերի արհեստական օդափոխման սարքեր կտրամադրի
Հայաստանին մեծ թվով թոքերի արհեստական օդափոխության սարքեր կտրամադրվեն. տեսանյութ
Հայաստանում ուզում են թոքերի օդափոխման սարքեր արտադրել և սպասում են առաջարկների
Փաշինյանը ծանոթացել է թոքերի արհեստական շնչառության սարքերի վերանորոգման աշխատանքներին
թեգերը:
Նախարար, կորոնավիրուս, Հայաստան, Հակոբ Արշակյան

Գլխավոր թեմաներ