ԵՐԵՎԱՆ, 11 ապրիլի – Sputnik. Ապրիլի 10-ին արձանագրվել է կորոնավիրուսից մահվան 2 դեպք, որոնցից մեկի մասին նախարարը երեկ հայտարարել էր։ Facebook սոցցանցի իր էջում տեղեկությունը հաղորդել է ՀՀ առողջապահության նախարարի մամուլի խոսնակ Ալինա Նիկողոսյանը։
«Կորոնավիրուսից մահացածն 86 տարեկան մի կին է։ Նա ունեցել է հաստատված երկկողմանի թոքաբորբ։ Բացի այդ, ունեցել է ուղեկցող խրոնիկ հիվանդություններ, այդ թվում զարկերակային գերճնշում, շաքարային դիաբետ, սրտի իշեմիկ հիվանդություն»,–գրել է նա։
Նիկողոսյանը հավելել է նաև, որ ունենք կորոնավիրուսային հիվանդության 29 նոր դեպք և 24 առողջացածներ։
Հիշեցնենք` երեկ ՀՀ առողջապահության նախարար Արսեն Թորոսյանը հայտնել էր, որ առավոտյան ևս մեկ մարդ է մահացել կորոնավիրուսից։ մահացածը 81-ամյա քաղաքացի էր, որն ուներ ուղեկցող այլ ծանր հիվանդություններ։ Կորոնավիրուսից, ընդհանուր առմամբ, Հայաստանում 13 մահվան դեպք է գրանցվել։
Այս պահի դրությամբ կորոնավիրուրսով վարակվածների թիվը 966 է։
Հայաստանում կորոնավիրուսով վարակվածների թիվը դարձավ 966. գրանցվել է մահվան ևս 1 դեպք
