ԵՐԵՎԱՆ, 12 ապրիլի – Sputnik. Հայաստանում կորոնավիրուսով վարակվածների թիվն անցավ 1000-ի սահմանը և դարձավ 1013։ Մեկ օրվա ընթացքում վարակակիրների թիվն ավելացել է 36–ով։ Տեղեկությունը հաղորդում է Հիվանդությունների կանխարգելման և վերահսկման ազգային կենտրոնը:
Բուժվածներն այսօվա դությամբ 197–ն են, փաստացի բուժվողները`803–ը, բացասական է եղել 7164 թեստի պատասխան։ Կորոնավիրուսից մահացել է 13 մարդ։
Նշենք, որ ապրիլի 11–ի ժամը 11–ի դրությամբ Հայաստանում կորոնավիրուսով վարակվածների թիվը 966 էր։ Ավելի ուշ ՀՀ վարչապետ Նիկոլ Փաշինյանն իր ուղիղ եթերի ընթացքում ասաց, որ կորոնավիրուսով վարակվածների թիվն ավելացել է և դարձել 977։
Հիշեցնենք, որ կորոնովիրուսի տարածման կանխարգելման համար Հայաստանում մարտի 16-ից ապրիլի 14–ն արտակարգ դրություն է սահմանվել։
Պարետ Տիգրան Ավինյանի որոշմամբ՝ մինչև ապրիլի 12-ը գործում են արտակարգ ռեժիմի խստացման պայմաններ. չի աշխատում հասարակական տրանսպորտը, 39 տարվա մեջ առաջին անգամ գործունեությունը դադարեցրել է Երևանի մետրոպոլիտենը:
Քաղաքացիները տնից դուրս գալ կարող են միայն ծայրահեղ անհրաժեշտության դեպքում՝ իրենց հետ ունենալով անձը հաստատող փաստաթուղթ և հատուկ ձևաթուղթ:
Մարդկությանը բաժին ընկած խոշոր համաճարակներն ու դրանց հետ կապված մութ պատմությունները
Ապրիլի 11–ին կառավարությունում տեղի ունեցած նիստի ժամանակ ՀՀ փոխվարչապետ, պարետ Տիգրան Ավինյանն առաջարկել է ևս 30 օրով երկարաձգել արտակարգ դրության ռեժիմը։