05:15 16 հուլիսի 2020
Ուղիղ եթեր
  • USD484.50
  • GBP610.52
  • EUR553.64
  • RUB6.83
Հայաստան
Ստանալ կարճ հղումը
Կորոնավիրուսը Հայաստանում և Արցախում (1246)
85 0 0

Նախագահն ընդգծել է, որ մենք այսօր հայրենասիրության, պրոֆեսիոնալիզմի, մարդասիրության և բարոյականության թեստ ենք հանձնում: Այդ թեստերի արդյունքներով պայմանավորված կլինի մեր վաղվա օրը:

ԵՐԵՎԱՆ, 15 ապրիլի- Sputik. Կորոնավիրուսի համավարակի դեմ պայքարը շարունակվում է։ ՀՀ նախագահ Արմեն Սարգսյանն ուղերձով դիմել է Հայաստանի, Արցախի և սփյուռքի մեր հայրենակիցներին։

Ինչպես տեղեկացնում են նախագահի մամուլի ծառայությունից, Սարգսյանը նշել է, որ արտակարգ դրության պայմանները կարող են երբեմն խիստ թվալ, սակայն դրանք անհրաժեշտ են կյանքեր փրկելու, առողջությունը պահպանելու ու պաշտպանելու համար։

«Սա պայքար է անտեսանելի թշնամու դեմ: Պետք է գիտակցենք, որ ցանկացած դժվարություն ժամանակավոր է ու հաղթահարելի»,- ասել է Արմեն Սարգսյանը։

Նախագահը հիշեցրել է, թե նորօրյա պատմության մեջ ինչպիսի դժվարություններ է հաղթահարել մեր ժողովուրդն ու հաղթել։ Նա վստահ է՝ այս պայքարում էլ կարևոր են մեր միասնականությունն ու պատասխանատվությունը։

Հանրապետության նախագահն ընդգծել է, որ այս պայքարում մեր ջանքերը պետք է ուղղվեն նաև տարեցներին և խոցելի առողջություն ունեցող քաղաքացիներին պաշտպանելուն։Նա անդրադարձել է նաև սոցիալապես խոցելի և անապահով մեր հայրենակիցներին՝ համաձայնելով, որ պետության կողմից ձեռնարկվող քայլերը դեռևս հիմնովին չեն փոխում նրանց վիճակն, ու կարևոր է համարել յուրաքանչյուրիս աջակցությունն այս հարցում։

Բնականոն կյանքին շուտ չենք վերադառնա. զրույց Արսեն Թորոսյանի հետ

«Օգնենք հարևանին, ծանոթին ու անծանոթին, նրանց, ովքեր այսօր դրա կարիքը ունեն: Մենք այսօր խուսափում ենք ձեռքով բարևել: Սակայն երբե՛ք, երբե՛ք չպետք է դադարենք օգնության ձեռք մեկնել միմյանց»,- կոչ է արել նախագահը։

Արմեն Սարգսյանն առանձնահատուկ շնորհակալություն է հայտնել մեր նորօրյա հերոսներին՝ առողջապահության համակարգի բոլոր աշխատակիցներին՝ նշելով, որ նրանք պայքարի առաջնագծում են։ 

Նախագահը նաև շնորհակալություն է հայտնել բոլոր կամավորներին, պետական համակարգի ծառայողներին, իրենց տներում մեկուսացած ընտանիքներին, գործարարներին և այլոց։

«Շնորհակալ եմ ուսուցչին և հեռավար սովորող ուսանողին, խանութի գանձապահին ու հավաքարարին, տաքսու վարորդին, բոլորին, ովքեր այս օրերին իրենց աշխատանքով կիսում են պետության և հասարակության ծանր բեռը»,- ասել է նախագահ Սարգսյանը։

Իր ուղերձում նա չի շրջանցել նաև փոքրիկներին՝ համաձայնելով, որ նրանց համար էլ շատ դժվար է արևառատ այս օրերին տանը նստելը։

«Առանձնակի ցավ ու վիշտ եմ ապրում Հայաստանում և աշխարհի տարբեր անկյուններում մեր ժողովրդի զավակների կորստի համար», -նրանց հարազատներին իր ցավակցություններն է հայտնել նախագահը։

COVID -19. ինչ իրավիճակ է Հայաստանում

Նա ընդգծել է՝ կորոնավիրուսի թեստերից բացի մենք այսօր հայրենասիրության, պրոֆեսիոնալիզմի, մարդասիրության և բարոյականության թեստ ենք հանձնում: Այդ թեստերի արդյունքներով պայմանավորված կլինի մեր վաղվա օրը:

թեմա:
Կորոնավիրուսը Հայաստանում և Արցախում (1246)

Ըստ թեմայի

Աշխարհում COVID-19–ով վարակվածների թիվը հատեց 2 միլիոնի սահմանը
Հայաստանում կորոնավիրուսով վարակվածների թիվը կրկին ավելացել է ու հասել 1111–ի
Կորոնավիրուսով պայմանավորված` 20 կալանավոր է ազատ արձակվել
թեգերը:
կորոնավիրուս, Հայաստան, Նախագահ, Արմեն Սարգսյան

Գլխավոր թեմաներ