11:22 03 օգոստոսի 2021
Ուղիղ եթեր
  • USD488.19
  • GBP679.51
  • EUR580.70
  • RUB6.69
Հայաստան
Ստանալ կարճ հղումը
295 0 0

Մայր աթոռը հույս է հայտնում, որ Արարատյան հայրապետական թեմի առաջնորդական փոխանորդի դեմ հարուցված քրեական գործով կիրականացվի անաչառ, լրիվ ու բազմակողմանի քննություն:

ԵՐԵՎԱՆ, 16 ապրիլի - Sputnik. Մայր աթոռի տեղեկատվական համակարգն արձագանքել է Արարատյան հայրապետական թեմի առաջնորդական փոխանորդ Գերշ. Տ. Նավասարդ արքեպիսկոպոս Կճոյանի դեմ հարուցված քրեական գործին և հանրությանն ու պաշտոնատար անձանց հորդորել ձեռնպահ մնալ անհարկի, շտապողական մեկնաբանություններից ու անհիմն գնահատականներից:

«Կոչ ենք ուղղում հանրությանը, այդ թվում՝ պաշտոնատար անձանց և լրատվամիջոցներին, հարգել անձի` օրենսդրությամբ երաշխավորված անմեղության կանխավարկածը և ձեռնպահ մնալ անհարկի, շտապողական մեկնաբանություններից ու անհիմն գնահատականներից»,-ասված է հաղորդագրության մեջ:

Մայր աթոռը հույս է հայտնում, որ քրեական գործով կիրականացվի անաչառ, լրիվ ու բազմակողմանի քննություն: Նշվում է, որ այս գործով Տ. Նավասարդ արք. Կճոյանի իրավական պաշտպանությունն իրականացվում է փաստաբանների կողմից, որոնք գործի առնչությամբ, ըստ անհրաժեշտության, կներկայացնեն համապատասխան լուսաբանություններ ու պարզաբանումներ:

Երեկ ՀՀ ազգային անվտանգության ծառայությունը հայտնել էր, որ հանցավոր ճանապարհով ստացված եկամուտների օրինականացման դեմ պայքարի ոլորտում մեղադրանք է առաջադրել Հայ Առաքելական եկեղեցու թեմերից մեկի առաջնորդական փոխանորդին:

Ավելի ուշ հայտնի դարձավ, որ խոսքը Հայ Առաքելական եկեղեցու Արարատյան հայրապետական թեմի առաջնորդական փոխանորդ Նավասարդ արքեպիսկոպոս Կճոյանի մասին է։

Հիշեցնենք, որ 2013թ–ին մամուլը գրեց, որ Կճոյանի անունը կապված է օֆշորային գործարքի հետ։ Սրբազանը հերքեց մամուլում տարածված լուրերը` նշելով, որ ձեռներեցությամբ զբաղվելու պարագայում երբեք չէր շարունակի ծառայել Հայ Առաքելական եկեղեցուն․ գաղտնի և ընդհատակյա գործունեությունը հարիր չէ իր սկզբունքներին:

Նշենք, որ Կճոյանը չի ընդունում հայտնի օֆշորի գործով իրեն առաջադրված մեղադրանքը:

Նրա փաստաբան Հովիկ Արսենյանն այսօր Sputnik Արմենիային ասել էր, որ իր պաշտպանյալը հարցաքննվել է տվյալ քրեական գործով որպես մեղադրյալ, մինչդեռ գործն ի սկզբանե հարուցվել էր առանց նրան՝ որպես վկա հարցաքննելու:

Ըստ թեմայի

Սուրենյանց. «Հոգևոր ու քաղաքական իշխանությունների միջև այս բանավեճը լավ բանի չի հանգեցնի»
Փաշինյանի մամուլի խոսնակն արձագանքել է Գարեգին Բ–ի՝ Քոչարյանին ազատ արձակելու կոչին
Մայր աթոռը հորդորում է չքաղաքականացնել կաթողիկոսի հայտարարությունը
թեգերը:
Հայաստան, Մայր Աթոռ Սուրբ Էջմիածին, Նավասարդ Կճոյան

Գլխավոր թեմաներ