16:57 15 հուլիսի 2020
Ուղիղ եթեր
  • USD484.50
  • GBP610.52
  • EUR553.64
  • RUB6.83
Հայաստան
Ստանալ կարճ հղումը
617 0 0

Կառավարությունում կայացած ասուլիսի ժամանակ ՊԵԿ նախագահն անդրադարձավ նաև Միքայել Մինասյանի դեմ հարուցված քրգործին։

ԵՐԵՎԱՆ, 23 ապրիլի –Sputnik. Պետական եկամուտների կոմիտեն ինքն է որոշում՝ երբ է պետք որևէ ինֆորմացիա հրապարակել այս կամ այն քրգործով։ Կառավարության մամուլի կենտրոնում կայացած ասուլիսի ժամանակ նման հայտարարություն արեց ՊԵԿ նախագահ Դավիթ Անանյանը` պատասխանելով հարցին, թե ինչպե՞ս է ստացվել, որ Վատիկանում Հայաստանի նախկին դեսպան Միքայել Մինասյանին մեղադրանք է առաջադրվել դեռ մարտի 23-ին, սակայն այդ մասին ինֆորմացիան հրապարակվել է միայն երեկ։

«Թույլ տվեք՝ մենք որոշենք, թե երբ է պետք որևէ տեղեկատվություն հրապարակել։ Մինասյանի քրգործի մասին տեղեկություն հրապարակվեց այն ժամանակ, երբ հարցում կատարվեց մեզ, և մենք ստիպված էինք պատասխանել դրան։ Այնուհետև մենք նաև հաղորդագրություն տարածեցինք, որպեսզի քրգործի մասին ինֆորմացիան լինի ընդգրկուն ու համապարփակ, ավելի քիչ հարցեր առաջացնի, քան մամուլում տարածված լուրերը»,–ասաց Անանյանը։

Նրա խոսքով` ընդհանրապես ՊԵԿ–ը ձեռնպահ է մնում քրգործերի մասին շատ տեղեկատվություններ հրապարակելուց։ ՊԵԿ նախագահը նշեց` մի շարք պարագաներում այդ ինֆորմացիայի հրապարակումը կարող է վտանգել քրեական գործի վարույթը և ընթացքը։

ԱԺ փոխխոսնակը կոչ արեց չհավատալ Միքայել Մինասյանի հեռուստաալիքներին ու կայքերին

Հիշեցնենք, որ Վատիկանում ՀՀ նախկին դեսպան, Սերժ Սարգսյանի փեսա Միքայել Մինասյանը որպես մեղադրյալ է ներգրավվել Պետական եկամուտների կոմիտեի քննչական վարչությունում քննվող քրգործի շրջանակում միանգամից 3 հոդվածով:

Sputnik Արմենիայի հետ զրույցում նրա պաշտպաններից Ամրամ Մակինյանը հայտնել էր, որ զավեշտ է եղածը, քանի որ տեխնիկական սխալն ապօրինի հարստացում է որակվել։

Մեղադրանքի անհիմն լինելու հետ կապված պաշտպանն իր տեսակետը ներկայացրել է ինչպես վարույթն իրականացնող մարմնին, այնպես էլ ՀՀ գլխավոր դատախազությանը։

Հակակոռուպցիոն Հայաստան. հարվածի տակ նախկիննե՞րն են

Ըստ թեմայի

Միքայել Մինասյանին անձամբ ճանաչում եմ. «Սպայկայի» տնօրենը մեկնաբանել է պտտվող լուրերը
«Բարի գալուստ բանական աշխարհ». Միքայել Մինասյանը պատասխանել է Արթուր Վանեցյանին
Միքայել Մինասյանին ՀՔԾ ներկայանալու ծանուցում են ուղարկել
թեգերը:
Դավիթ Անանյան, Պետական եկամուտների կոմիտե (ՊԵԿ), Քրեական գործ, Միքայել Մինասյան, փեսա, Սերժ Սարգսյան

Գլխավոր թեմաներ