16:21 01 հոկտեմբերի 2020
Ուղիղ եթեր
  • USD488.58
  • GBP627.73
  • EUR573.93
  • RUB6.32
Հայաստան
Ստանալ կարճ հղումը
92420

Նախաձեռնությունը հնարավոր է դարձել ռուսաստանաբնակ Ասլանյան, Խռանյան և Գրիգորյան ընտանիքների աջակցության շնորհիվ։

ԵՐԵՎԱՆ, 24 ապրիլի – Sputnik, Արմենուհի Մխոյան. Հայոց ցեղասպանության 105-րդ տարելիցի օրը հայ-թուրքական սահմանին՝  պատմական Անի մայրաքաղաքին շատ մոտ, 21 մետր բարձրության վրա վեր է խոյացել Հայոց եռագույնը:  Տեղադրվել է նաև քահանայի ձեռամբ օծված խաչքար:

Губернатор Ширакской области Тигран Петросян (третий слева) учавствует в освящении армянского хачкара
Անի քաղաքի դիմաց կծածանվի հայոց եռագույնը

Այսօր կատարված արարողությանը ներկա էին Շիրակի տեղական ինքնակառավարման մարմինների  ներկայացուցիչներ։ Դրոշը Հայաստանում տեղադրված ամենամեծ դրոշներից է, այն  շատ հստակ է երևում սահմանից այն կողմ:

«Անշուշտ շատ հուզիչ ու խորհրդանշական էր:  Հայաստանի դրոշ` Անի մայրաքաղաքի դիմաց, որը վեր խոյացավ խորհրդանշական ՝ ապրիլի 24-ին։  Այն իր մեջ ամփոփում է կարևոր մի միտք՝ եղել ենք, կանք ու կլինենք։ Իսկ սահմաններն ու սահմանային բնակավայրերը պետք է հայի շնչով լցվեն և առավել ամուր լինեն»,- Sputnik Արմենիայի հետ զրույցում ասաց  Շիրակի մարզպետ Տիգրան Պետրոսյանը:

Флаг Армении на армяно-турецкой границе, напротив исторической столицы Ани (24 апреля 2020). Ширак
Անի քաղաքի դիմաց կծածանվի հայոց եռագույնը

 Նախաձեռնությունը հնարավոր է դարձել ռուսաստանաբնակ Ասլանյան, Խռանյան և Գրիգորյան ընտանիքների աջակցության շնորհիվ։

«Երբեք չպետք է մոռանանք Հայոց ցեղասպանության զոհերի մասին». Թրյուդոյի գրառումը

Հիշեցնենք, որ դեռ անցած տարի մարտին Շիրակի Անիավան խոշորացված համայնքի ղեկավար Մարտիրոս Միրոյանը եռագույն էր տեղադրվել նաև  հայ-թուրքական սահմանին գտնվող  Նորշենում, որը ավելի շատ հայտնի է Խարկով անունով:  

Хачкар на армяно-турецкой границе, напротив исторической столицы Ани (24 апреля 2020). Ширак
Անի քաղաքի դիմաց տեղադրված խաչքարը

«Այս նոր դրոշն անմիջապես Անի դիմաց է տեղադրվել, շատ ավելի տեսանելի վայրում: Ի դեպ, սա Շիրակի մարզի ամենամեծ դրոշն է»,-նշեց Տիգրան Պետրոսյանը` վստահեցնելով, որ   շարունակվում են Նորշենի սահմանային կարգավիճակի փոփոխության, սահմանակից գյուղ՝ առանց անցաթուղթ մուտք գործելու հարցի  հետ կապված գերատեսչական աշխատանքները:

Губернатор Ширакской области Тигран Петросян и единственный житель харьковского села 83-летняя бабушка Вахандухт
© Photo : provided by Tigran Petrosyan
Շիրակի մարզպետն այցելել է Խարկովում գյուղի միակ բնակչին` 83-ամյա Վահանդուխտ տատին

Նորշեն (Խարկով) գյուղն Անի բերդաքաղաքից բաժանվում է ընդամենը Ախուրյան գետով: Սահմանային գյուղ ազատ մտնել ներկա պահին հնարավոր չէ: Պարտադիր պետք է ստանալ սահմանապահ ուղեկալի թույլտվությունը, որը երկարատեւ գործընթաց է: Նորշենը, շատ մոտ գտնվելով Անիին, հրաշալի դիտակետ է։ Գյուղն այսօր ունի միայն  մեկ բնակիչ: 

Մարզպետն այսօր այցելել է նաև Խարկովում գյուղի միակ բնակչին` 83-ամյա Վահանդուխտ տատին:

Ըստ թեմայի

«Հիշում ենք և պահանջում»․ «Նորքի» բժիշկները պաշտպանիչ հագուստի վրա անմոռուկ են նկարել
Պատարագ և ծաղիկներ. Մոսկվայում հարգանքի տուրք են մատուցել Ցեղասպանության զոհերի հիշատակին
ԱՄՆ նախագահ Թրամփը կրկին չի օգտագործել «Հայոց ցեղասպանություն» արտահայտությունը
թեգերը:
Հայաստան, դրոշ, Տիգրան Պետրոսյան, Շիրակի մարզ, Անի

Գլխավոր թեմաներ