01:53 05 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Հայաստան
Ստանալ կարճ հղումը
Դաժան սպանություններ և վենդետա Գավառում (23)
316 0 0

Աշոտ Ահարոնյանը հայտնել է, որ ինչպես կրակոցներով, այնպես էլ դրան հաջորդած դեպքերով կան բերման ենթարկվածներ։

ԵՐԵՎԱՆ, 29 ապրիլի — Sputnik. ՀՀ ոստիկանության պետ Արման Սարգսյանը գտնվել է կրակոցների դեպքի վայրում՝ համալսարանի շրջակայքում, ոչ թե հիվանդանոցում, իսկ բժշկական կենտրոնում որևէ մեկը չի սպանվել։ ՀՀ ոստիկանության լրատվության և հասարակայնության հետ կապերի վարչության պետ Աշոտ Ահարոնյանը Facebook-ի իր էջում կոչ է արել չճշտված տեղեկություններ չհրապարակել։

«Ապրիլի 28-ին, ժամը 17.40-ի սահմաններում Գավառում տեղի ունեցած դեպքի առնչությամբ, որի հետևանքով կան երկու զոհ և վիրավորներ, ՀՀ ոստիկանության օպերատիվ-քննչական խմբերն անհրաժեշտ գործողություններ են իրականացնում: Ձեռնարկվում են միջոցառումներ` կատարվածի բոլոր հանգամանքները պարզելու ուղղությամբ»,–գրել է Ահարոնյանը:

Ինչպես կրակոցներով, այնպես էլ դրան հաջորդած դեպքերով կան բերման ենթարկվածներ։

Ընթանում է նախաքննություն, դեպքի վերաբերյալ կտրվի լրացուցիչ տեղեկատվություն։

Հիշեցնենք` երեկ ապրիլի 28–ին, Գավառում կրակոցներ էին հնչել,ինչի հետևանքով երկու մարդ մահացել էր, իսկ 4–ը տեղափոխվել էին հիվանդանոց։ Այնուհետև գիշերը հայտնի դարձավ, որ որոշ մարդիկ մտել են Գավառի հիվանդանոց ու վիրավորներից երկուսի վիզը կտրել։

ArmLur.am-ը գրել էր, որ այդ պահին հիվանդանոցում եղել են ոստիկաններ ու անձամբ ՀՀ ոստիկանապետ Արման Սարգսյանը։

«Զինված անձինք ջարդուփշուր են արել հիվանդանոցի գույքը, որից հետո հրելով ճեղքել են ոստիկանների կազմած պատնեշը, մուտք գործել այն սենյակ, որտեղ պառկած են եղել վիրավորված երկու անձինք, և դանակով կտրել են նրանց երկուսի վիզը»,– գրել էր կայքը։

Դեպքի վայրում հայտնաբերվել է Lada մակնիշի 91 XX 100 համարանիշի ավտոմեքենա, որի վրա եղել են կրակոցի հետքեր, ինչպես նաև Niva մակնիշի 23 ՍL 354 համարանիշի ավտոմեքենա, որի վրա նույնպես եղել են հետքեր:

Գավառի հիվանդանոցում տեղի ունեցած դեպքից տուժածները տեղափոխվել են Երևան

Ոստիկաններն ու քննիչներն աշխատում էին մի քանի վարկածի ուղղությամբ, այդ թվում՝ վենդետայի՝ կապված տարիներ առաջ Գավառում Նորատուս գյուղի բնակիչ Հայկ Հակոբյանի սպանության հետ: Վերջինիս հայրը Գեղարքունիքի փոխմարզպետն էր, իսկ նրանց ազգականներն են հանցագործ աշխարհում հայտնի «հեղինակություններ» Նորատուսցի Ալիկը և Արա Բանդուրյանը:

թեմա:
Դաժան սպանություններ և վենդետա Գավառում (23)

Ըստ թեմայի

Սպանություն ավտոմեքենայով. Գավառի դեպքն ուղղակի ավտովթար չէր. տեսանյութ
Կրակոցներ Գավառում. 2 մարդ մահացել է, 4–ին հիվանդանոց են տեղափոխել
Հայտնի են Գավառի դաժան դեպքից մահացածների և վիրավորների անունները. նոր մանրամասներ
թեգերը:
հիվանդանոց, Աշոտ Ահարոնյան, Սպանություն, Գավառ, ՀՀ Ոստիկանություն, Ոստիկանություն, ոստիկան, Արման Սարգսյան

Գլխավոր թեմաներ