03:25 05 հունիսի 2020
Ուղիղ եթեր
  • USD482.11
  • GBP603.94
  • EUR539.87
  • RUB6.97
Հայաստան
Ստանալ կարճ հղումը
Հայրենական մեծ պատերազմի հաղթանակի 75–ամյակը (41)
8010

Սահմանապահները շնորհակալություն են հայտնել վետերանին տոկունության, հանուն հայրենիքի կատարած քաջագործությունների համար` նրան արժեքավոր նվերներ հանձնելով։

ԵՐԵՎԱՆ, 8 մայիսի –Sputnik. Հայրենական մեծ պատերազմում տարած հաղթանակի 75-ամյակին ընդառաջ ռուս սահմանապահները, ինչպես նաև վետերանական կազմակերպությունների ներկայացուցիչներ այցելել ու շնորհավորել են 94-ամյա վետերան Խաչիկ Արշակի Հովսեփյանին։ Տեղեկությունը հայտնում է Հայաստանում ՌԴ ԱԴԾ սահմանապահ վարչության մամուլի ծառայությունը։

Представители ветеранских организаций посетили и поздравили ветерана Великой Отечественной войны Овсепяна Хачика Аршаковича (8 мая 2020). Еревaн
© Photo : Stringer
Ռուս սահմանապահները շնորհավորել են հայ վետերանին

Սահմանապահներն իրենց երախտագիտությունն են հայտնել տոկունության, զինվորական պարտքի քաջարի կատարման և հայրենիքին անբասիր ծառայելու համար։ Նրանք Խաչիկ Հովսեփյանին և նրա հարազատներին մաղթել են քաջ առողջություն, բարեկեցություն և երկար տարիների կյանք։ Նրանք նաև պատրաստակամություն են հայտնել վետերանին ցուցաբերելու ցանկացած անհրաժեշտ աջակցություն։

Հայաստանում Ռուսաստանի ԱԴԾ սահմանապահ վարչության անձնակազմի անունից Խաչիկ Հովսեփյանին շնորհվել են արժեքավոր նվերներ։

Представители ветеранских организаций посетили и поздравили ветерана Великой Отечественной войны Овсепяна Хачика Аршаковича (8 мая 2020). Еревaн
© Photo : Stringer
Ռուս սահմանապահները շնորհավորել են հայ վետերանին

Նշենք, որ Խաչիկ Արշակովիչը 18 տարեկանում մեկնել է ռազմաճակատ և ծառայել Երրորդ տանկային բանակի հրետանային գնդում։ Ապա նրան տեղափոխել են ականանետ դիվիզիոն և նշանակել «Կատյուշա» ռեակտիվ սարքի նշանառուի պաշտոնին։

Մասնակցել է Գերմանիայի տարածքում մղվող մարտերին։ Ծառայության ժամանակ Խաչիկ Հովսեփյանը բազմիցս դրսևորել է իրեն որպես քաջ և գրագետ զինծառայող։

Պուտինը շնորհավորել է Հայաստանին և ԽՍՀՄ նախկին հանրապետությունների ժողովուրդներին

Հայրենիքին մատուցած ծառայությունների համար պետական պարգևներ է ստացել. «Հայրենական մեծ պատերազմի II աստիճանի» շքանշան և «Քաջության համար», «Մարտական վաստակի համար», «Գերմանիայի նկատմամբ տարած հաղթանակի», «ԽՍՀՄ պետական սահմանի պահպանման ժամանակ տարբերվելու համար» մեդալներ։

ՀՀ–ում Ռուսաստանի ԱԴԾ սահմանապահ վարչության ստորաբաժանումներն ավանդաբար տարատեսակ օգնություն են ցուցաբերում Հայրենական մեծ պատերազմի վետերաններին, պահպանում հանուն հայրենիքի զոհված մարտիկներին նվիրված հուշարձաններն ու հուշակոթողները։

թեմա:
Հայրենական մեծ պատերազմի հաղթանակի 75–ամյակը (41)

Ըստ թեմայի

Հաղթանակի օրվա առթիվ Մեծ հայրենականի վետերանները 300 հազարական դրամ պարգև կստանան
Լոռիում բնակվող Հայրենական մեծ պատերազմի վետերաններին հոբելյանական մեդալներ են հանձնել
Մեծ հայրենականի բոլոր մասնակիցները Հայաստանում հոբելյանական մեդալներ կստանան․ դեսպանատուն
թեգերը:
շնորհավորանք, ռուս, սահմանապահ, Հայրենական մեծ պատերազմ, Հայրենական մեծ պատերազմի վետերան

Գլխավոր թեմաներ