20:39 03 հունիսի 2020
Ուղիղ եթեր
  • USD482.38
  • GBP607.22
  • EUR540.89
  • RUB7.05
Հայաստան
Ստանալ կարճ հղումը
Հայրենական մեծ պատերազմի հաղթանակի 75–ամյակը (40)
135 0 0

Նիկոլ Փաշինյանը ՌԴ ղեկավարությանը հղած ուղերձում նշել է, որ հպարտ է երկու ժողովուրդների սխրագործությամբ, որոնք ուս ուսի տված պայքարել են ընդհանուր թշնամու դեմ:

ԵՐԵՎԱՆ, 9 մայիսի — Sputnik. ՀՀ վարչապետ Նիկոլ Փաշինյանը Երկրորդ համաշխարհային պատերազմում հաղթանակի 75-րդ տարեդարձի կապակցությամբ շնորհավորական ուղերձներ է հղել ՌԴ ղեկավարությանը` նախագահ Վլադիմիր Պուտինին և կառավարության նախագահ Միխայիլ Միշուստինին։

Ռուսաստանի նախագահ Վլադիմիր Պուտինին ուղղված ուղերձում Փաշինյանը նշել է, որ այս տոնը մարդկության պատմության ամենասարսափելի չարիքներից մեկի`  ֆաշիզմի նկատմամբ հաղթանակն է բնորոշում։ Հաղթանակ, որը ձեռք է բերվել մեծ քաջության, մեր հայրերի ու պապերի համառության և անձնազոհության գնով:

Փաշինյանը նշել է, որ հպարտ է երկու ժողովուրդների սխրագործությամբ, որոնք ուս ուսի տված պայքարել են ընդհանուր թշնամու դեմ: Անուրանալի է նրանց ունեցած դերը ֆաշիզմի փլուզման և Եվրոպայի ժողովուրդների նացիստական ստրկությունից ազատագրման գործում:

«Հայաստանի և Ռուսաստանի ժողովուրդների միասնական և եղբայրական ոգին, որը Հայրենական մեծ պատերազմի ընթացքում է կերտվել, պարտավորեցնում է ամրապնդել մեր բարեկամական կապերը, համատեղ պայքար մղել  ժամանակի մարտահրավերներին ու սպառնալիքներին, ինչպես նաև ամրապնդել և կառուցել դաշնակից հարաբերություններ` ի նպաստ մեր երկրների խաղաղ զարգացման և մեր ժողովուրդների բարեկեցության», - ասվում է Փաշինյանի ուղերձում:

Հաղթանակները տարիք չունեն. նախագահը շնորհավորել է եռատոնը

Մայիսի 9-ի առիթով ՀՀ վարչապետը շնորհավորական ուղերձներ է հղել նաև ԱՊՀ անդամ պետությունների ղեկավարներ՝ Բելառուսի նախագահ Ալեքսանդր Լուկաշենկոյին, Ղրղզստանի նախագահ Սոորոնբայ Ժեենբեկովին, Ղազախստանի նախագահ Կասիմ-Ժոմարտ Տոկաևին, Թուրքմենստանի նախագահ Գուրբանգուլի Բերդիմուհամեդովին, Ուզբեկստանի նախագահ Շավքաթ Միրզիյոևին, Մոլդովայի նախագահ Իգոր Դոդոնին, Տաջիկստանի նախագահ Էմոմալի Ռահմոնին։

Հիշեցնենք, որ ՌԴ ղեկավարությանը շնորհավորական ուղերձներ էր հղել Փաշինյանին։

թեմա:
Հայրենական մեծ պատերազմի հաղթանակի 75–ամյակը (40)

Ըստ թեմայի

Ցավոք` ձեռագրերն այրվում են, կամ ինչի մասին է զղջում մարշալ Բաբաջանյանի դուստրը
Հավերժ փառք հայրենիքի համար ընկածներին. Փաշինյանը պապիկի լուսանկարն է հրապարակել
Մենք ամբողջությամբ վճարել ենք 20-րդ դարի բոլոր պատերազմների մեր պարտքը. Փաշինյանի ուղերձը
թեգերը:
Հայրենական մեծ պատերազմ, շնորհավորանք, Վլադիմիր Պուտին, Միխայիլ Միշուստին, Նիկոլ Փաշինյան

Գլխավոր թեմաներ