20:24 28 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հայաստան
Ստանալ կարճ հղումը
267 0 0

Ոստիկանության նոր՝ ծածուկ ծառայությունը հայտնաբերելու է միայն երթևեկության կանոնների կոպիտ, այլոց կյանքի համար վտանգավոր խախտումները:

ԵՐԵՎԱՆ, 14 մայիսի — Sputnik. Ճանապարհային ոստիկանությունության կազմում ստեղծված նոր՝ ծածուկ ծառայությունը հանրության շրջանում տարատեսակ մեկնաբանույունների առիթ է դարձել: Երթևեկության կանոնները խախտող վարորդներին հայտնաբերելու համար ստեղծված այս նոր ծառայության մասին այսօր որոշ պարզաբանումներ է ներկայացրել ոստիկանության հասարակայնության հետ կապերի և լրատվության վարչության պետ Աշոտ Ահարոնյանը:

«Նշված ծառայությունը ճանապարհային երթևեկության կանոնները կոպիտ և միտումնավոր խախտող, այսպես ասած՝ դրիֆտեր իրականացնող, հանդիպակաց երթևեկության գոտի դուրս եկող, երթևեկության մյուս մասնակիցների հանդեպ բացահայտ անհարգալից վերաբերմունք դրսևորող, նրանց կյանքի ու առողջության համար վտանգավոր խախտումներ կատարող վարորդներին, և այլ կոպիտ խախտումներ հայտնաբերելու համար է»,- նշել է Ահարոնյանը:

Նա նաև հավելել է, որ ճանապարհապարեկային ծածուկ ծառայությունն իրականացվելու է կոնկրետ վայրերում, կոնկրետ խախտումներ հայտնաբերելու համար, ինչը միտված է անվտանգ երթևեկության ապահովմանը։

Հիշեցնենք՝ ՀՀ ոստիկանությունն օրեր առաջ հաղորդագրությւն էր տարածել, որտեղ նշված էր, որ Ճանապարհային ոստիկանության ծածուկ ծառայության աշխատակիցները կշրջեն առանց գրառումների և տարբերիչ նշանների մեքենաներով՝ ճանապարհային երթևեկության խախտումները հայտնաբերելու նպատակով:

Ծածուկ ծառայությունը Հայաստանում արդեն գործում է: Համաձայն ոստիկանության պաշտոնական հաղորդագրության` այն իրականացվում է մայիսի 12-ից:

Երևանյան առևտրի կենտրոնի կայանատեղում «դրիֆտ» անողին հայտնաբերել են. տեսանյութ

Ըստ թեմայի

Երևանում ավտոբուսը դուրս է եկել հանդիպակաց գոտի. սենսացիոն տեսանյութի հերոսը պատժվել է
Արմավիրում վթարի հետևանքով մայր ու որդի տեղում մահացել են. այրիացած հարսը 18 տարեկան է
Չափից շատ համաներում. Հայաստանում «բարեխիղճ քաղաքացի» լինելը ձեռնտու չէ՞
թեգերը:
երթևեկություն, Աշոտ Ահարոնյան, Ոստիկանություն

Գլխավոր թեմաներ