14:10 05 հունիսի 2020
Ուղիղ եթեր
  • USD482.11
  • GBP603.94
  • EUR539.87
  • RUB6.97
Հայաստան
Ստանալ կարճ հղումը
25110

ՀՀ փոխվարչապետ, պարետ Տիգրան Ավինյանը կառավարության նիստում հայտնեց, թե ովքեր են նրանք, և ինչն է նրանց ինքնամեկուսացման պատճառը:

ԵՐԵՎԱՆ, 21 մայիսի – Sputnik. ՀՀ կառավարության այսօրվա նիստից բացակայում են գործադրի անդամներից երկուսը՝ տարածքային կառավարման ու ենթակառուցվածքների նախարար Սուրեն Պապիկյանն ու աշխատանքի և սոցիալական հարցերի նախարար Զարուհի Բաթոյանը: Կառավարության նիստում ՀՀ փոխվարչապետ, պարետ Տիգրան Ավինյանը ներկայացրեց նրանց բացակայության պատճառը:

«Պարոն Պապիկյանը դեռևս ինքնամեկուսացման մեջ է գտնվում: Հուսով ենք` հաջորդ նիստին անպայման կմասնակցի»,- ասաց նա:

Պապիկյանը բացակայում էր նաև կառավարության նախորդ նիստից, թեև մեկ շաբաթ առաջ հայտարարվեց, որ նա թեստավորվել է ու բացասական պատասխան է ստացվել:

Կառավարության այսօրվա նիստից բացակա Զարուհի Բաթոյանը ևս շփում է ունեցել իր վարակակիր աշխատակիցներից մեկի հետ, ինչն էլ նրա ինքնամեկուսացման պատճառ է դարձել:

Նշենք, որ կառավարության մայիսի 14-ի նիստից բացակայում էր նաև առողջապահության նախարար Արսեն Թորոսյանը՝ դարձյալ վարակակիր աշխատակցի հետ շփում ունենալու պատճառով: Նրա թեստի պատասխանը ևս բացասական էր: Այսօր նախարարն արդեն ներկա էր նիստին:

Հիշեցնենք` Հայաստանում մայիսի 21-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 5606 դեպք, որոնցից 2581-ն` առողջացած, 70-ը` մահվան ելքով: Կորոնավիրուսային հիվանդությամբ Հայաստանում այս պահին փաստացի բուժում է ստանում 2928 պացիենտ: Ընդհանուր առմամբ կատարվել է 45822 թեստավորում:

Հայաստանում կորոնավիրուսով վարակվածների թիվն ավելացել է 335-ով և դարձել 5606

Ըստ թեմայի

Դիմորդները կասեն՝ էս կորոնավիրուսը «լազաթ» տվեց. Փաշինյան
Աշխարհում կորոնավիրուսով վարակման բացահայտված դեպքերը գերազանցել են 5 միլիոնը
Կորոնավիրուսով վարակվածներից 135-ի վիճակը ծանր է, 63-ինը` ծայրահեղ ծանր. Թորոսյան
թեգերը:
ինքնամեկուսացում, մեկուսացում, Սուրեն Պապիկյան, Զարուհի Բաթոյան, Նախարար, կորոնավիրուս, ՀՀ կառավարություն, կառավարություն

Գլխավոր թեմաներ