17:30 06 հունիսի 2020
Ուղիղ եթեր
  • USD481.74
  • GBP608.44
  • EUR546.00
  • RUB7.01
Հայաստան
Ստանալ կարճ հղումը
Հայաստանի Հանրապետության 4-րդ նախագահը (124)
67 0 0

Արմեն Սարգսյանն առանձնակի շնորհակալություն է հայտնել Արցախի երրորդ նախագահ Բակո Սահակյանին, որ 2007–ից ստանձնելով Արցախի նախագահի պաշտոնը՝ պետական պատասխանատու գործչին հարիր և արցախցուն բնորոշ կամային հատկություններով արժանապատվորեն առաջնորդեց Արցախը։

ԵՐԵՎԱՆ, 21 մայիսի – Sputnik. ՀՀ նախագահ Արմեն Սարգսյանը վստահեցնում է` այլևս անշրջելի իրողություն է, որ Արցախի Հանրապետությունը կայացած ժողովրդավարական պետություն է։ Ինչպես տեղեկացնում են ՀՀ նախագահի մամուլի ծառայությունից, Սարգսյանը նման հայտարարությամբ է հանդես եկել` անդրադառնալով Արցախի նորընտիր նախագահ Արայիկ Հարությունյանի, ինչպես նաև նորընտիր ԱԺ–ի` այսօրվանից սկսած գործունեությանը։

«Արցախի քաղաքացիների հետ միասին ընտրությունների կայացման մեջ մեծ ներդրում ունի այսօր իր նախագահական լիազորություններն ավարտող Արցախի երրորդ նախագահ Բակո Սահակյանը։ Առանձնակի շնորհակալություն եմ ուզում հայտնել նրան։ 2007–ից ստանձնելով Արցախի նախագահի պաշտոնը՝ նա պետական պատասխանատու գործչին հարիր և արցախցուն բնորոշ կամային հատկություններով արժանապատվորեն առաջնորդեց Արցախը»,–ասել է նախագահ Սարգսյանը։

Նա համոզված է, որ Արցախի նորընտիր նախագահ Արայիկ Հարությունյանի կողմից ձևավորվելիք նոր կառավարությունը կլինի համերաշխության կառավարություն, որի քաղաքականությունը հնարավորություն կտա համատեղ ջանքերով և միասնականորեն ամրապնդել Արցախը։ Արցախը, ըստ Սարգսյանի, միշտ ունի բոլորի ու յուրաքանչյուրիս սատարման կարիքը։

Արցախի Ազգային ժողովը նոր նախագահ ունի

Նախագահը շնորհավորել է նաև Արցախի 7-րդ գումարման Ազգային Ժողովը կազմած քաղաքական ուժերին՝ «Ազատ հայրենիք-ՔՄԴ» դաշինքին, «Միասնական հայրենիք կուսակցությանը», «Արդարություն» կուսակցությանը, ՀՅԴ–ին և Արցախի «ժողովրդավարական կուսակցություն» խմբակցություններին։

Արմեն սարգսյանը հիշեցրել է, որ 28 տարի առաջ գրեթե այս օրերին արցախյան պատերազմում տեղի ունեցավ Շուշիի ազատագրումից հետո ևս մեկ բեկումնային իրադարձություն։ 1992թ. մայիսի 18-ին հայկական ուժերը ազատագրեցին Բերձորը: Դրանով, ըստ Սարգսյանի, բացվեց Արցախը Հայաստանին կապող կյանքի ճանապարհը, և ճեղքվեց Արցախի շրջափակման օղակը։

«Այսօր, Արցախում շարունակվող պետական շինարարության գործընթացի հերթական փուլը նաև հարգանքի տուրք է ինչպես այդ ռազմական գործողության, այնպես էլ արցախյան ողջ ազատամարտի ընթացքում իրենց կյանքը նվիրաբերած հերոսների հիշատակին։ Այս օրը ևս մեկ առհավատչյա է, որ Արցախի ընթացքն անբեկանելի է»,–իր խոսքն ամփոփել է նախագահը։

Փաշինյանն Արցախ կմեկնի Արայիկ Հարությունյանի երդմնակալության արարողությանը մասնակցելու

Հիշեցնենք, որ Արցախի նորընտիր նախագահ Արայիկ Հարությունյանի երդմնակալության արարողությունը տեղի կունենա այսօր` Շուշիում, ժամը 18։00-ին։

թեմա:
Հայաստանի Հանրապետության 4-րդ նախագահը (124)

Ըստ թեմայի

Արցախյան սահմանին կրակոցների թիվը կրկնակի ավելացել է
Արցախում կորոնավիրուսով հիվանդների թիվը ավելացել է ևս մեկով
թեգերը:
Բակո Սահակյան, Արայիկ Հարությունյան, Լեռնային Ղարաբաղ, Արցախ, Նախագահ, Արմեն Սարգսյան

Գլխավոր թեմաներ