ԵՐԵՎԱՆ, 27 մայիսի — Sputnik. Հայաստանում շինարարական բազմաթիվ աշխատանքներ ներկա պահին դադարեցված են, քանի որ դրանք իրականացնող շինարարական կազմակերպությունները ներկայացրել են կեղծ բանկային երաշխիքներ: Տեղեկությունն այսօր ԱԺ-ում, կառավարության հետ հարց ու պատասխանի ժամանակ ասաց «Լուսավոր Հայաստան» խմբակցության պատգամավոր Անի Սամսոնյանը:
«Այդպիսի կեղծ բանկային երաշխիք ներկայացրած մի ընկերություն է «Ռաշըն Վոյաժը», որի տնօրենն ազգակցական կապ ունի Ղալումյան ընտանիքի հետ: Իսկ մենք գիտենք, որ Իջևանի քաղաքապետի պաշտոնակատար Հայկ Ղալումյանը ձեր մտերիմն է, ձեր ընտանիքի քավորը»,- ՀՀ վարչապետին դիմելով` ասաց ընդդիմադիր պատգամավորը՝ հետաքրքրվելով, թե արդյոք այս դեպքով կա հարուցված քրեական գործ:
Նիկոլ Փաշինյանը հայտնեց, որ դեպքը բացահայտվել է հենց ՀՀ վարչապետին ենթակա պետական վերահսկողական ծառայության կողմից: Նյութերն ուղարկվել են ԱԱԾ, և, վարչապետ համոզմամբ, կասկած չի կարող լինել, որ գործը պատշաճ քննության կարժանանա:
«Ինչ վերաբերում է կապերին, Հայաստանը փոքր երկիր է, որ շատ փորփրեն անպայման ձեր ընտանիքի հետ էլ կապեր գտնեն: ՀՀ-ում շատ քիչ կան մարդիկ, ովքեր կապի կապի կապով իրեր հետ հապված չեն»,- ասաց Փաշինյանը:
Նա նաև հիշեցրեց, որ գիտականների համոզմամբ` աշխարհի յուրաքանչյուր երկու բնակիչ չորրորդ մարդու միջոցով կապված են իրար հետ:
«Եթե դուք ակնարկում եք, որ կեղծ երաշխիքները կարող են կապ ունենալ իշխանության հետ, դուք սխալ պատկերացում ունեք գործող իշխանության մասին»,- վստահեցրեց վարչապետը՝ հիշեցնելով, որ իր քեռու որդին ենթարկվել է քրեական պատասխանատվության:
Բացահայտվել է քրեական ենթամշակույթ կրող խմբավորում, ղեկավարը «Արսեն Երևանսկին» է
Հիշեցնենք՝ Փաշինյանի քեռորդուն՝ Մամիկոն Հովհաննիսյանին, 2019թ-ի մայիսին մեղադրանք էր առաջադրվել դիպլոմը կեղծելու համար:
2019թ–ի ապրիլի 4-ին Նիկոլ Փաշինյանը Facebook-ում գրառում էր արել և հայտնել, որ իր անմիջական ցուցումով քրեական գործ է հարուցվել իր մերձավոր ազգականի թույլ տված ենթադրյալ չարաշահման փաստի առիթով:
Միքայել Մինասյանի դեմ ևս մեկ քրեական գործ է հարուցվել
«Սա նոր Հայաստան է, և վարչապետի որևէ մերձավոր չի կարող վեր լինել օրենքից կամ լինել արտոնյալ»,– գրել էր Փաշինյանը։
Ավելի ուշ նա հրաժարվել էր այլ մանրամասներ հայտնել` առաջարկելով սպասել պաշտոնական հայտարարության։
