15:56 05 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Հայաստան
Ստանալ կարճ հղումը
42 0 0

Նորանշանակ փոխնախարարը քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդական խմբի անդամ է:

ԵՐԵՎԱՆ, 2 հունիսի - Sputnik. ՀՀ վարչապետ Նիկոլ Փաշինյանը նոր նշանակում է արել։ ՀՀ աշխատանքի և սոցիալական հարցերի նախարարության մամուլի ծառայությունից տեղեկացնում են, որ վարչապետի որոշմամբ՝ Ռուբեն Սարգսյանը նշանակվել է նախարարի առաջին տեղակալ։

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Ռուբեն Սարգսյանին նշանակել աշխատանքի և սոցիալական հարցերի նախարարի առաջին տեղակալ»,- նշված է ՀՀ վարչապետ Նիկոլ Փաշինյանի որոշման տեքստում:

Ռուբեն Սարգսյանը  ծնվել է 1977 թվականի սեպտեմբերի 9-ին: Սովորել է Հայ-ռուսական պետական համալսարանի քաղաքական ինստիտուտներ և տեխնոլոգիաներ ֆակուլտետում, ապա մասնագիտական վերապատրաստում է անցել ԱՄՆ Պետական դեպարտամենտի կրթական և մշակութային հարցերի բյուրոյի  Միջազգային այցելուների առաջնորդության ծրագրի շրջանակներում՝ Աշխատանքի իրավունքներ և աշխատանքի տեսչություն թեմայով:

2004 թ-ից փորձագիտական գործունեություն է ծավալում աշխատանքային իրավունքի ոլորտում: Բազմաթիվ ուսումնասիրությունների և վերլուծությունների, ոլորտին վերաբերող օրենսդրական նախաձեռնությունների հեղինակ է, մասնակցել է քաղաքականության մշակման գործընթացներին: Խորհրդատվական գործունեություն է իրականացնում նորաստեղծ արհմիությունների համար, ինչպես նաև խախտված իրավունքների և շահերի պաշտպանություն վերաբերյալ:

2007 թ.-ից ղեկավարել է Հասարակական հետազոտությունների առաջատար խումբ (APR Group) ՀԿ-ն:

ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդական խմբի անդամ է:

Երեխայի երջանիկ կյանքի համար լավագույն միջավայրը ընտանիքն է. Զարուհի Բաթոյան

Հիշեցնենք՝ նախարարի առաջին տեղակալի պաշտոնը զբաղեցնում էր Գեմաֆին Գասպարյանը, որը մայիսի 15-ին, սեփական դիմումի համաձայն, ազատվեց աշխատանքից։ Նույն օրը՝ ՀՀ վարչապետի որոշմամբ Տաթևիկ Ստեփանյանը նշանակվեց Հայաստանի Հանրապետության աշխատանքի և սոցիալական հարցերի նախարարի տեղակալ։

թեգերը:
Հայաստան, փոխնախարար, Նիկոլ Փաշինյան

Գլխավոր թեմաներ