00:35 04 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Հայաստան
Ստանալ կարճ հղումը
102 0 0

Մի քանի տարի առաջ հենց այդ տեղամասում հակառակորդը դիվերսիոն գործողություն էր իրականացրել, ինչի հետևանքով ցավալի կորուստներ ունեցանք։

ԵՐԵՎԱՆ, 5 հունիսի – Sputnik. ՀՀ հյուսիսարևելյան սահմանագոտում Պաշտպանության նախարարությունը  նոր հենակետ է հիմնել։ Տեղեկությունը լուսանկարներով իր Facebook-ի էջում հրապարակել է ՀՀ ՊՆ մամուլի խոսնակ Շուշան Ստեփանյանը։

«Տեղը պատահական չի ընտրվել. հետախուզական, ինժեներական, մյուս ծառայությունները համապատասխան տեղազննում են անցկացրել, որոշել հենց տվյալ տեղանքում նոր դիրք հիմնելու նպատակահարմարությունը: Մի քանի տարի առաջ էլ հենց այդ տեղամասում հակառակորդը դիվերսիոն գործողություն էր իրականացրել, ինչի հետևանքով ցավալի կորուստներ ունեցանք»,–գրել է նա:

Ստեփանյանի խոսքով` նոր դիրքը նոր հնարավորություններ է ստեղծել: Այն բարձրադիր գոտում է, իշխող դիրք ունի ավելի արդյունավետ մարտ վարելու համար: Հակառակորդի միանգամից մի քանի դիրք մեր տեսադաշտում է:

«Այժմ դիտարկման ու հսկման մեր հնարավորությունները էապես ավելացել են: Ավելացել են նաև կրակային խոցման հնարավորությունները: Գործնականում այս տեղամասում հակառակորդն այլևս չի կարող լուրջ գործողություններ ձեռնարկել, այլապես կպատժվի շատ խիստ»,–գրել է Ստեփանյանը:

Հենց դրա համար էլ զորամասում տվյալ հենակետն անվանում են «պատժիչ»:

 

Ըստ թեմայի

Մարտական հենակետերում զինվորները լույս, ջուր ու բաղնիք կունենան. Փաշինյանը` բանակի մասին
Պատերազմի կոտրած սերը․ հայ զինվորի և ռուս աղջկա սիրո պատմությունը
Այլևս վատ ջրով չեն հիշի. Արմավիրի զորամասերից մեկում զինվորները խմելու նորմալ ջուր ունեն
թեգերը:
Զինվոր, դիրքեր, Տավուշ, ՀՀ Պաշտպանության նախարարություն (ՊՆ), Հայաստան

Գլխավոր թեմաներ