ԵՐԵՎԱՆ, 5 հունիսի - Sputnik. ՀՀ Կառավարության ֆեյսբուքյան էջում տեսանյութ է հրապարակվել Երևանի բժշկական կենտրոններից մեկի վերակենդանացման բաժանմունքից: Տեսանյութում կորոնավիրուսով վարակված տղամարդը խոսում է սկզբնական փուլում իր վիճակի մասին:
Նա պատմում է, որ ծանր վիճակում է եղել, չի կարողացել շնչել, բարձր ջերմություն և թուլություն է ունեցել:
«Պրոբլեմի ամենավառ արտահայտությունը». Փաշինյանը խախտումները հավաստող փաստեր է հրապարակել
«Շատ ծանր եմ եղել, չէի կարողանում շնչել։ Հիվանդությունը կա, վիրուսը կա։ Պարզապես մենք դա անտեսում ենք, մատների արանքով ենք նայում»,–ասում է տղամարդը։
Նա հորդորում է մարդկանց խստորեն հետևել պարետատան ցուցումներին և խուսափել կորոնավիրուսով վարակվելուց։
Հիշեցնենք`Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է 183 մահվան դեպք։
Մեկ օրում գրանցվել է COVID-19-ի 596 դեպք. ՀՀ-ում ընդհանուր վարակվածների թիվը դարձավ 11 817