21:31 03 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Հայաստան
Ստանալ կարճ հղումը
27610

ԱԱԾ–ին հայտնի է դարձել, թե որտեղ է տեղի ունեցել հարսանիքը, որի ժամանակ մի խումբ երիտասարդներ ոստիկանական համազգեստով «ներկայացում–պար» են բեմադրել։

ԵՐԵՎԱՆ, 5 մայիսի - Sputnik. ԱԱԾ տնօրեն Էդուարդ Մարտիրոսյանը խոստանում է, որ այսօր հանրությունը կտեսնի ոստիկանական համազգեստով «բեմականացման» հետևանքները։ Մարտիրոսյանը նման հայտարարությամբ հանդես եկավ Ազգային ժողովում լրագրողների հետ զրույցում` անդրադառնալով ՀՀ վարչապետ Նիկոլ Փաշինյանի հրապարակմանը։

Առավոտյան վարչապետը տեսանյութ էր հրապարակել, որի կադրերում երևում է, թե ինչպես են ոստիկանական համազգեստով երկու երիտասարդ հայտարարում, որ երկրում արտակարգ դրություն է, զանգվածային միջոցառումներն արգելված են և հյուրերին խնդրում են կես ժամվա ընթացքում դադարեցնել միջոցառումը։ Բայց պարզվում է՝ այդ ամենն ընդամենը բեմադրություն է: Այնուհետև ուժային կառույցների համազգեստով մի խումբ երեխաներ սկսում էին պարել ժամանակակից ռիթմերի ներքո:

«Դրա արդյունքն այսօր կտեսնեք։ Դա տեղի է ունեցել Պտղնիի «Վիլլա հիլս» ռեստորանային համալիրում։ Իրավապահ համակարգի աշխատողների համազգեստով բեմականացում կատարելն այնքան էլ սիրուն չէ»,–ասաց Մարտիրոսյանը։

Իրենք ունեն մտածելու տեղ. ԱԱԾ տնօրենը` Գուրգեն Խաչատրյանի անհետանալու մասին

Հարցին, թե ինչո՞ւ են հեգնում իրավապահներին, և արդյո՞ք իրավապահների գործողությունները չեն նման առիթ տվել` ԱԱԾ տնօրենը պատասխանեց, թե ԱԱԾ–ն կատարում է իր աշխատանքը։

Անդրադառնալով ԱԱԾ–ում կադրային փոփոխություններին` Մարտիրոսյանը հայտնեց, որ նման խնդիր չունեն։ Ըստ նրա` գործի մեջ թերացողներին ազատում են աշխատանքից։

ԱԱԾ–ն հատուկ նշանակության սարքավորումներ է գնում ՌԴ–ից և եվրոպական երկրներից. Մարտիրոսյան

Ըստ թեմայի

ԱԱԾ-ն կստուգի Միքայել Մինասյանի` զենքի անօրինական վաճառքի մասին մեղադրանքները
«Սա սպառնալիք է ազգային անվտանգությանը». Փաշինյանն ԱԱԾ տնօրենին հանձնարարական է տվել
ԱԱԾ-ն գնացել է վարչապետի հանձնարարականի հետքերով. հարուցվել է վարչական վարույթ
թեգերը:
թատերական ներկայացում, համազգեստ, Ոստիկանություն, ոստիկան, Էդուարդ Մարտիրոսյան, ՀՀ ազգային անվտանգության ծառայություն. ԱԱԾ

Գլխավոր թեմաներ