15:10 11 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Հայաստան
Ստանալ կարճ հղումը
Կորոնավիրուսը Հայաստանում և Արցախում (1222)
208 0 0

Անվտանգության նկատառումներից ելնելով՝ կանխարգելիչ միջոցառումներ են ձեռնարկվել և թեստավորվել են «Կոշ» ՔԿՀ-ում պահվող բոլոր անձինք։

ԵՐԵՎԱՆ, 6 հունիսի – Sputnik․ Արդարադատության նախարարության «Կոշ» քրեակատարողական հիմնարկում անազատության մեջ պահվող դատապարտյալներից մեկի մոտ կորոնավիրուս է հայտնաբերվել։ COVID-19–ի առկայության կասկածանքով հունիսի 4–ին նրանից փորձանմուշ է վերցվել: Ստացված փորձաքննության դրական պատասխանի հանգամանքով պայմանավորված՝ դատապարտյալը տեղափոխվել է ԱՆ «Դատապարտյալների հիվանդանոց» քրեակատարողական հիմնարկ։ Տեղեկությունը հայտնում են Արդարադատության նախարարության մամուլի ծառայությունից։

«Տեղափոխման ընթացքում, թե´ դատապարտյալը, թե´ ուղեկցող անձնակազմը ապահովված են եղել անհատական պաշտպանիչ միջոցներով՝ դիմակ, ձեռնոց, ինչպես նաև հատուկ արտահագուստով: «Դատապարտյալների հիվանդանոց» քրեակատարողական հիմնարկում դատապարտյալը տեղաբաշխվել է հատուկ առանձնացված կացարանում (հատուկ կահավորված և տեխնիկապես հագեցած կացարան)»,-ասվում է հաղորդագրության մեջ:

Դեռևս ապրիլից կանխարգելիչ համալիր միջացառումների շրջանակում հնարավոր հիվանդների մեկուսացման նպատակով Արդարադատության նախարարությունը «Դատապարտյալների հիվանդանոց» ՔԿՀ-ի երկու մասնաշենքերի շքամուտքում հրատապ կարգով կառուցել էր վարակազերծման և ախտահանման համար նախատեսված նախասրահ:

Եթե նույնիսկ կորոնավիրուսը չլիներ, մահեր լինելու էին. որն է Հայաստանի խնդիրն ըստ Փաշինյանի

Բացի այդ, «Դատապարտյալների հիվանդանոցի» տուբերկուլոզային և նարկոլոգիական մասնաշենքերն ամբողջության դատարկվել էին, որպեսզի հարկ եղած դեպքում օգտագործվեին բացառապես որպես կորոնավիրուսային վարակի կանխարգելման կարանտինային գոտի:

Առանձնացված 2 մասնաշենքերը միասին ունեն մինչև 150 մահճակալային ֆոնդ:

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 547–ով և դարձել 12 364։
Այս պահին փաստացի բուժում է ստանում 8385 մարդ, կատարվել է 66 674 թեստավորում, առողջացել են վարակվածներից 3720–ը։
Ընդհանուր առմամբ գրանցվել է 190 մահվան դեպք։

Գեղարքունիքի մարզի Ձորագյուղի ելումուտը կփակվի. բռնկման պատճառը թաղման մասնակցելն է

թեմա:
Կորոնավիրուսը Հայաստանում և Արցախում (1222)

Ըստ թեմայի

Բշկական օգնության ուշացման պատճառով մարդ է մահացել կորոնավիրուսից․ Փաշինյան
«Լավ է` վարակվել եմ կորոնավիրուսով, թե չէ այս ասելիքը չէի կարող ասել»․ Փաշինյան
Ինչ է պետք անել կորոնավիրուսի դեմն առնելու համար. վարակաբանության պրոֆեսորի կարծիքը
թեգերը:
Քրեակատարողական հիմնարկ (ՔԿՀ), դատապարտյալ, Հայաստան, կորոնավիրուս

Գլխավոր թեմաներ