ԵՐԵՎԱՆ, 7 հունիսի - Sputnik. Հայաստանում Ֆրանսիայի արտակարգ և լիազոր դեսպան Ջոնաթան Լաքոտը Facebook-ի իր պաշտոնական էջում պարբերաբար Հայաստանի տարբեր մարզերում և մայրաքաղաքում գտնվող տեսարժան վայրերի լուսանկարներ է հրապարակում։ Ինչպես երևում է՝ դեսպանը սիրում է ճամփորդել մեր երկրում՝ բացահայտելով դրա հմայքը։ Այս անգամ Լաքոտը Լոռվա աշխարհում է հյուրընկալվել։
«Ուզում եմ, որ Ֆրանսիան միշտ սիրի Հայաստանն այնպես, ինչպես Հայաստանը՝ մեզ»․ Լաքոտ
Դա պարզ է դառնում դեսպանի էջում հրապարակված Օձունի եկեղեցու լուսանկարից։
Ավելի վաղ դեսպանը լուսանկարներ էր հրապարակել, որոնցում Երևանի տարբեր տեսարժան վայրերն էին, Ամբերդի եկեղեցին ու բերդը, Արզականի Նեղոսի վանքը կամ Սուրբ Աստվածածին եկեղեցին և այլն։
Ջոնաթան Լաքոտը Հայաստանում Ֆրանսիայի դեսպան է նշանակվել 2017 թվականին՝ Ֆրանսիայի նախագահ Էմանուել Մակրոնի հրամանագրով:
Հայաստանում Ֆրանսիայի դեսպանը երախտապարտ է հայերին. Լաքոտը գրառում է արել
Նշենք, որ ֆրանսիացի դիվանագետը տիրապետում է յոթ օտար լեզվի: Դեսպանն ամիսներ առաջ Facebook-ում գրառում էր կատարել՝ նշելով, որ հիմա էլ հայերեն է սովորում։
