ԵՐԵՎԱՆ, 8 հունիսի – Sputnik. Մեր տեղեկություններով` ՀՀ զինված ուժերի գլխավոր շտաբի պետ Արտակ Դավթյանն աշխատանքից ազատվելու դիմում է ներկայացրել։ Ամենայն հավանականությամբ, պատճառը եղել է նրա որդու հարսանիքը, որն անցկացվել է արտակարգ դրության պայմաններում։
Հիշեցնենք, որ Դավթյանի որդու հարսանիքը տեղի էր ունեցել երեկ, և այդ միջոցառումը քննարկման թեմա էր դարձել սոցցանցերում։
ԶԼՄ–ները գրել էին, որ չնայած պարետի որոշմամբ սահմանված արգելքին` հարսանիքը բազմամարդ է եղել։
Դավթյանն այսօր արձագանքել էր այդ հրապարակումներին և նշել, որ բոլորն ունեն անձնական կյանքի իրավունք:
«Կյանքը կստիպի, որ ոստիկանությունն ավելի վճռորոշ դեր ստանձնի նման դեպքերում». Քոչարյան
«Հորդորում եմ որոշ մարդկանց, լրատվամիջոցների չմտնել իմ և իմ ընտանիքի անձնական տարածք և փորձ չանել ինձ ներառել քաղաքական խաղերի մեջ»,- իր պարզաբանման մեջ նշել էր Դավթյանը:
Նշենք, որ ազատման դիմումի վերաբերյալ պաշտոնական տեղեկություն դեռ չկա։
Հիշեցնենք` նա ՀՀ ԶՈՒ գլխավոր շտաբի պետ էր նշանակվել 2018 թվականի մայիսի 24-ին:
Մարտի 16-ից երկրում արտակարգ դրություն է հայտարարված, որն արդեն 2 անգամ երկարացվել է։
«Պրոբլեմի ամենավառ արտահայտությունը». Փաշինյանը խախտումները հավաստող փաստեր է հրապարակել
