23:57 05 օգոստոսի 2020
Ուղիղ եթեր
  • USD485.52
  • GBP637.44
  • EUR575.63
  • RUB6.66
Հայաստան
Ստանալ կարճ հղումը
298 0 0

Պետական եկամուտների կոմիտեի քննչական վարչությունում իրականացվող քրեական գործի նախաքննության ընթացքում նոր տվյալներ են ձեռք բերվել Միքայել Մինասյանին մեղսագրվող հանցավոր արարքների վերաբերյալ:

ԵՐԵՎԱՆ, 8 հունիսի – Sputnik. Վատիկանում ՀՀ նախկին դեսպան, ՀՀ երրորդ նախագահ Սերժ Սարգսյանի փեսա Միքայել Մինասյանի նկատմամբ ՀՀ ՊԵԿ քննչական վարչությունում քննվող քրեական գործի նախաքննությամբ բացահայտված ենթադրյալ հանցավոր արարքները, նրա և նրա մերձավորների տիրապետության տակ գտնված ֆինանսական միջոցների մասին հայտնաբերված տեղեկատվությունն աննախադեպ է ՀՀ երրորդ հանրապետության իրավապահ համակարգի համար։ Նման հայտարարությամբ է հանդես եկել ՊԵԿ-ը:

Քրեական գործի նախաքննությամբ հիմնավորվել է, որ 2017-2018թթ. Մ.Մինասյանն ապօրինի հարստացել է՝ միլիոնավոր դրամով ավելացնելով իր ունեցվածքը, որն էականորեն գերազանցել է իր օրինական եկամուտները:

Բացի այդ, նա թաքցրել ու չի հայտարարագրել առանձնապես խոշոր չափերի հասնող գույքն ու օրինականացրել է հանցավոր ճանապարհով ստացված առանձնապես խոշոր չափերի գույքը:

ՊԵԿ-ը հայտնում է նաև, որ բացի նախկինում մեղսագրված արարքներից քրեական գործի նախաքննությամբ պարզվել է նաև, որ Միքայել Մինասյանը 2012-2018թթ. ժամանակահատվածում, կասկածելի աղբյուրներից ստացած խոշորածավալ ֆինանսական միջոցներով, քողարկված եղանակով, Շոտլանդիայում հաշվառված օֆշորային «Ուոլտեքս Էքսպրես Էլ Փի» կազմակերպության միջոցով և ապա իր մտերիմներից Ռոզա Ստեփանյանի միջոցով, վերջինիս օժանդակությամբ հանդիսացել է «Սպայկա» ՍՊ ընկերության 49 տոկոս բաժնեմասի փաստացի բաժնետերը, որի վերաբերյալ տվյալները չի ներառել իր՝ պաշտոնատար անձի հայտարարագրերում:

ԱԱԾ-ն կստուգի Միքայել Մինասյանի` զենքի անօրինական վաճառքի մասին մեղադրանքները

Արդյունքում Մինասյանին առաջադրված մեղադրանքը լրացվել է ՀՀ քրեական օրենսգրքի 310.1-րդ հոդվածի 1-ին մասով(ապօրինի հարստանալը)` երկու դրվագ , 314.3-րդ հոդվածի 2-րդ մասով՝ (հայտարարագրման ենթակա առանձնապես խոշոր չափերի տվյալները թաքցնելը), չորս դրվագ և 190-րդ հոդվածի 3-րդ մասի 1-ին կետով (առանձնապես խոշոր չափերի հանցավոր ճանապարհով ստացված գույքն օրինականացնելը):

Իսկ Մինասյանին օժանդակելու համար Ռոզա Գևորգի Ստեփանյանին մեղադրանք է առաջադրվել ՀՀ քրեական օրենսգրքի 38-314.3-րդ հոդվածի 2-րդ մասով (երկու դրվագ):

Քրեական գործի նախաքննության շրջանակում միջոցներ են ձեռնարկվում մեղադրյալների և մյուս հնարավոր հանցակիցների կողմից կատարված հանրորեն վտանգավոր արարքների բոլոր հանգամանքները բացահայտելու, անձանց, կազմակերպությունների և (կամ) պետությանը պատճառված վնասները, ինչպես նաև հասարակական արդարությունը վերականգնելու ուղղությամբ։

Հիշեցնենք` ՊԵԿ-ում քննվող քրեական գործով Միքայել Մինասյանին մեղադրանք էր առաջադրվել ՀՀ քրեական օրենսգրքի 310.1-րդ հոդվածի 1-ին մասով (ապօրինի հարստանալը), 314.3-րդ հոդվածի 2-րդ մասով (հայտարարագրման ենթակա առանձնապես խոշոր չափերի տվյալները թաքցնելը) և 190-րդ հոդվածի 3-րդ մասի 1-ին կետով (առանձնապես խոշոր չափերի հանցավոր ճանապարհով ստացված գույքն օրինականացնելը):

2020 թ–ի մարտի 23-ին որոշվել էր Մինասյանի նկատմամբ հետախուզում հայտարարել և նույն օրը միջնորդություն է ներկայացվել Երևան քաղաքի ընդհանուր իրավասության դատարան՝ մեղադրյալ Մինասյանի նկատմամբ կալանավորումը որպես խափանման միջոց կիրառելու մասին, որը դատարանը բավարարել էր։

Մինասյանի պաշտպանները ՀՀ վերաքննիչ դատարան բողոք էին ներկայացրել նրա նկատմամբ կալանավորումը որպես խափանման միջոց ընտրելու մասին Երևան քաղաքի ընդհանուր իրավասության դատարանի որոշումը, որը վերաքննիչ դատարանի կողմից վերադարձվել է ընդհանուր իրավասության դատարան՝ նոր քննության։

Մայիսի 4-ին հայտնի դարձավ, որ Միքայել Մինասյանին կալանավորելու որոշումը վերացվել է։

Ըստ թեմայի

Փաշինյանը Հայաստանը ներքաշել է միջազգային մաֆիոզական համակարգի մեջ. Միքայել Մինասյան
«Միքայել Մինասյանի հետ ոչ մի կապ չունենք». Էդմոն Մարուքյան
Միքայել Մինասյանի տեսանյութի հիման վրա քրեական գործ է հարուցվել
Փաշինյանը պատասխանեց հարցին` Միքայել Մինասյանին «գործարք» առաջարկե՞լ է
թեգերը:
Մեղադրանք, Պետական եկամուտների կոմիտե (ՊԵԿ), Միքայել Մինասյան, Հայաստան

Գլխավոր թեմաներ