ԵՐԵՎԱՆ, 9 հունիսի – Sputnik. ՀՀ վարչապետ Նիկոլ Փաշինյանի կարծիքով` հանրապետությունում կորոնավիրուսով պայմանավորված իրավիճակի առնչությամբ շատ թույլ հույսեր են ի հայտ գալիս, որ որոշակի կայունացում կա և կլինի։ Փաշինյանը նման կարծիք հայտնեց այսօր` պարետատան նիստից հետո ճեպազրույցի ժամանակ։
«Իրավիճակը շարունակվում է լարված մնալ, սակայն վերջին օրերի դեպքերը թույլ հույսեր են տալիս, որ կայունացում ունենք և կունենանք»,–ասաց Փաշինյանը։
Նա հորդորեց թաղման և ամուսնության արարողությունները կատարել միայն պարետի ցուցումով, քանի որ լինում են դեպքեր, որ թաղման արարողությունից հետո վարակի բռնկումներ են գրանցվում։ Վարչապետը նշեց, որ սգակիր և հարսանյաց արարողություն ունեցող ընտանիքները պետք է համագործակցեն ՏԻՄ–երի և ոստիկանության հետ` հակահամաճարակային կանոնները պահպանելու համար։
Նա կարևորեց հակահամաճարակային կանոնները պահպանելու համար սկսված իրազեկման ակցիան, ըստ որի` երկուական խմբերով բակերում, փողոցներում մարդկանց կտեղեկացնեն հակահամաճարակային կանոնների մասին։
Կորոնավիրուսից մահացել է Հրազդանի ծննդատան բուժքույրը
Հիշեցնենք` այսօրվա վիճակագրության համաձայն` առողջացածների թիվը գրանցված հիվանդների թիվը գերազանցում էր 5-ով:
Եթե արձանագրված վարակակիրների թիվը 350 էր, ապա բուժվածներինը՝ 355:
