09:32 07 հուլիսի 2020
Ուղիղ եթեր
  • USD484.35
  • GBP605.49
  • EUR547.07
  • RUB6.74
Հայաստան
Ստանալ կարճ հղումը
44 0 0

Գեղարքունիքի մարզպետ Գնել Սանոսյանը հայտնում է, որ Սևանից մանրաձկան գողությունը շարունակվում է անկախ ամեն ինչից։

ԵՐԵՎԱՆ, 10 հունիսի - Sputnik. Գեղարքունիքի մարզպետ Գնել Սանոսյանն Ազգային ժողովում լրագրողների հետ զրույցում ասաց, որ ձկնագողության դեմ պայքարում պետությունը պետք է հստակ խաղի կանոններ սահմանի։ 

«Պետությունը պետք է սահմանի` երբ ու ինչ չափսի ձուկ բռնել։ Ունենք համայնքներ, որոնք ավանդաբար ձկնորսությամբ են զբաղվում, և ես այն կարծիքին եմ, որ նրանք կարող են շարունակել զբաղվել դրանով։ Պետք է արձանագրենք, որ բոլորս թերանում ենք Սևանի ձկան որսի հարցում»,–ասաց մարզպետը։

Նրա խոսքով` մանրաձկան գողությունը շարունակվում է։

Հարցին, թե ո՞վ է մեղավոր, որ ձկնագողությունը չի դադարում` Սանոսյանը պատասխանեց, որ առաջին հերթին գուցե ինքն է մեղավոր։ Նրա խոսքով` այդ խնդրով առաջին պատասխանատուն «Սևան ազգային պարկն» է։

Սանոսյանը նշեց, որ ոչ թե պետք է ընդհանրապես արգելվի ձկնորսությունը, այլ այն պետք է համահունչ լինի ձկան` տարեկան աճի տեմպերին։

Անդրադառնալով Սևանում կապտականաչավուն ջրիմուռների առկայությանը` Սանոսյանը նշեց, որ դրանք շարունակում են խնդիր հանդիսանալ Սևանի համար։ Նրա խոսքով` դա տարիներով կուտակված խնդիր է, և հիմա այնպիսի վիճակում է լիճը, որ չեն կարող ասել, թե այս տարի կլուծեն այն։ Դրա պատճառները, ըստ մարզպետի, տարբեր են` մարդածին ու բնածին, իսկ ջրիմուռներից ազատվելու ամենակարևոր քայլը ափամերձ հատվածները մաքրելն է։

Հիշեցնենք, որ Շրջակա միջավայրի նախարարությունը մշակել է նոր նախագիծ, որի նպատակն է կանոնակարգել Սևանա լճում կենսապաշարի օգտագործման և կայուն կառավարման ոլորտը։

Ինչո՞ւ է Սևանն այս տարի ավելի շուտ սկսել կանաչել. մասնագետը` լճի խնդիրների մասին

Նախագիծը թույլ կտա առավել արդյունավետ պայքարել ապօրինի ձկնորսության դեմ և գործուն քայլեր ձեռնարկել Սևանի ձկնապաշարների վերականգնման ուղղությամբ։

Սևանում խեցգետնի որսն այս տարի կարգելվի. պաշարները վտանգված են

Ըստ թեմայի

Ձկան օր Հայաստանում․ Սևանա լճի ափին կազմակերպված փառատոնի ամենավառ կադրերը
Սևանա լիճ է բաց թողնվել մեծ քանակությամբ մանրաձուկ. նախարար
«Սևանա լճի «ծաղկման» հարցի լուծումը երկար ժամանակ է պահանջում». Էրիկ Գրիգորյան
թեգերը:
Գնել Սանոսյան (Գեղարքունիքի մարզպետ), որսագողություն, որս, ձկնորս, ձուկ, Սևանա լիճ, Սևան

Գլխավոր թեմաներ