ԵՐԵՎԱՆ, 12 հունիսի – Sputnik․ Աշխատանքի և սոցիալական հարցերի նախարար Զարուհի Բաթոյանը վստահեցնում է`իր ազգականներից որևէ մեկը չի աշխատում նախարարությունում։ Բաթոյանն ԱԺ–ում լրագրողների հետ ճեպազրույցի ժամանակ սա ասաց` պատասխանելով հարցին, թե ինչպես է ստացվում, որ ըստ մամուլում շրջանառվող լուրերի` իր այս կամ այն ազգականն աշխատանքի է անցնում նախարարությունում։
«Լուրերը, թե իմ տատիկի քրոջ թոռն աշխատում է մեզ մոտ, դա էլ չի համապատասխանում իրականությանը։ Այո՛, իմ քրոջ տեգրն աշխատակազմի գլխավոր քարտուղարի պարտականություններն է իրականացնում, սակայն քաղծառայությունը դեռ 1 տարի առաջ հայտնել էր, որ նա համապատասխանում է այդ պաշտոնին։ Սակայն վերջինս իմ ազգականը չէ»,–ասաց Բաթոյանը։
Հարցին, թե քրոջ տեգրը պատահակա՞ն է դիմել այդ պաշտոնին` նախարարը պատասխանեց, որ ոչ։ Սակայն Բաթոյանը հավելեց, որ նա ԺՊ է, և այդ պաշտոնում թափուր տեղի համար մրցույթ է հայտարարվելու շուտով։
Ի՞նչ է արվել աշխատանքի և սոցիալական հարցերի ոլորտում. Բաթոյանն ամփոփել է տարին. տեսանյութ
Հիշեցնենք, որ մամուլում տեղեկություն հրապարակվեց, թե Սոցապ ծառայության պետ Անի Ամիրշադյանը աշխատանքի և սոցիալական հարցերի նախարար Զարուհի Բաթոյանի ազգականն է։
Նշվում էր, թե նրանց տատերը հարազատ քույրեր են։
Քիչ գումար` շատերին. Բաթոյանն ասաց` ինչպես են մարդիկ աջակցություն ստանալու պետությունից
