05:45 27 փետրվարի 2021
Ուղիղ եթեր
  • USD527.96
  • GBP736.03
  • EUR640.20
  • RUB7.08
Հայաստան
Ստանալ կարճ հղումը
60 0 0

ՀՀ վարչապետ Նիկոլ Փաշինյանը և ՀՀ նախագահ Արմեն Սարգսյանը բարձր են գնահատել հայ-չինական բարեկամական հարաբերությունները և դրանց զարգացման ու խորացման հեռանկարները։

ԵՐԵՎԱՆ, 15 հունիսի – Sputnik. Հայաստանի Հանրապետության նախագահ Արմեն Սարգսյանը և ՀՀ վարչապետ Նիկոլ Փաշինյանը շնորհավորական ուղերձներ են հղել Չինաստանի Ժողովրդական Հանրապետության նախագահ Սի Ծինփինին՝ շնորհավորելով նրան ծննդյան օրվա առթիվ:

«Ձեր ղեկավարությամբ կատարված խիզախ քայլերի շնորհիվ Չինաստանն էական առաջընթաց արձանագրեց նոր տիպի կորոնավիրուսի համավարակի դեմ պայքարում և կայուն կերպով շարժվում է տնտեսության վերականգնման ճանապարհով՝ օժանդակություն ցուցաբերելով նաև մյուս երկրներին։ Իմ երախտագիտությունն եմ հայտնում Ձեզ՝ Հայաստանին ցուցաբերած օգնության համար: Համավարակի դեմ պայքարում մենք ապավինում ենք նաև մեր բարեկամների օգնությանը: Վստահ եմ, որ համավարակը հաղթահարելուց հետո հայ-չինական ավանդական բարեկամական հարաբերությունները և համագործակցությունն ավելի կամրապնդվեն ու կխորանան՝ ի շահ մեր ժողովուրդների»,-ասված է նախագահ Սարգսյանի ուղերձում:

ՀՀ վարչապետը ևս կարևորել է COVID-19 համավարակի հետևանքների հաղթահարմանն ուղղված՝ ՉԺՀ կառավարության կողմից ձեռնարկված միջոցառումների և քայլերի իրականացումը:

«Ձերդ Գերազանցություն, սրտանց շնորհավորում եմ Ձեզ ծննդյան տարեդարձի կապակցությամբ: Ձեր ղեկավարմամբ Չինաստանի զարգացման և չին ժողովրդի բարգավաճման ապահովման գործը ձեռք է բերել հաստատուն ընթացք, որի փայլուն օրինակն է COVID-19 համավարակի հետևանքների հաղթահարմանն ուղղված՝ ՉԺՀ կառավարության կողմից ձեռնարկված միջոցառումների և քայլերի իրականացումը»,–ասել է ՀՀ վարչապետ Նիկոլ Փաշինյանը:

Նա շեշտել է, որ Հայաստանը հատուկ նշանակություն է տալիս Չինաստանի հետ բարեկամական հարաբերությունների խորացմանը, և ինքը պատրաստ է համատեղ ջանքեր գործադրել երկու պետությունների միջև համագործակցության վերընթաց զարգացումն առավել խթանելու նպատակով՝ ի շահ երկու երկրների և ժողովուրդների:

Ես քեզ, դու ինձ. Չինաստանի Սիան քաղաքն օգնություն է ուղարկել Գյումրի

Ըստ թեմայի

Չինաստանը Հայաստանին բժշկական արտահագուստ և թոքերի արհեստական օդափոխման սարքեր կտրամադրի
Հայաստանն ինքնաթիռ է ուղարկել Չինաստան՝ բժշկական սարքավորումներ ու թեստեր բերելու
Ու՞մն է Արարատը. Չինաստանից ուղարկած օգնության վրա գրվածը Թուրքիայում աղմուկ է բարձրացել
թեգերը:
Սի Ծինփին (Չինաստանի նախագահ), Արմեն Սարգսյան, Նիկոլ Փաշինյան, ուղերձ, Նախագահ, Չինաստան

Գլխավոր թեմաներ