Ազգային ժողովի մոտ լարված վիճակ է. բերման ենթարկվածների թվում ըմբիշ Ռոման Ամոյանն է

ԵՐԵՎԱՆ, 16 հունիսի – Sputnik. Ոստիկանները շրջափակել են Ազգային ժողովի շենքը, որտեղ այժմ քննարկվում է ԲՀԿ ղեկավար Գագիկ Ծառուկյանին անձեռնմխելիությունից զրկելու և նրա նկատմամբ քրեական հետապնդում սկսելու հարցը։

Այս պահին Ազգային ժողովի մոտ են հավաքվել Ծառուկյանի կողմնակիցները։ Ոստիկանները, սակայն, հաղորդում են, որ արտակարգ դրության ժամանակ արգելվում է հավաքների անցկացումը։

Մեծ թվով ոստիկաններ են հավաքվել նաև ԱԺ մոտակա տարածքներում։ Ոստիկանները բերման են ենթարկում բողոքի ակցիա անողներին, նրանց միջև տեղի ունեցավ քաշքշուք, երբ ոստիկանները բերման ենթարկեցին հայտնի ըմբիշ Ռոման Ամոյանին։

Ծառուկյանն ու Վանեցյանը մի քանի անգամ հանդիպել են նույն այգում. ԱԺ փոխխոսնակ

Հիշեցնենք, որ այսօր Ազգային ժողովում գլխավոր դատախազ Արթուր Դավթյանը «Բարգավաճ Հայաստան» կուսակցության առաջնորդ Գագիկ Ծառուկյանին պատգամավորական անձեռնմխելիությունից զրկելու վերաբերյալ միջնորդություններ  ներկայացրեց։ ԱԱԾ–ն այս պահին խուզարկում է ԲՀԿ–ական պատգամավոր Նաիրա Զոհրաբյանի աշխատասենյակը։

© Sputnik / Andranik Ghazaryan

Տեղյակ չեմ` ով է, մեզ համար քաղաքացին քաղաքացի է. ինչո՞ւ Ռոման Ամոյանին «ասֆալտին փռեցին»

ԱԱԾ-ն հունիսի 14-ին խուզարկություն իրականացրեց ԲՀԿ առաջնորդ, պատգամավոր Գագիկ Ծառուկյանի առանձնատանը: Ավելի ուշ Ծառուկյանին հրավիրեցին ԱԱԾ՝ հարցաքննության:

Գագիկ Ծառուկյանի կիրակնօրյա «արկածները». տեսանյութ

Ծառուկյանի հարցաքննության ընթացքում ԱԱԾ-ն հանդես եկավ մի քանի պաշտոնական հայտարարություններով` ներկայացնելով Ծառուկյանի նկատմամբ կատարված քննչական գործողությունների իրավական հիմքերն ու հարուցված 3 քրեական գործեր:

© Sputnik / Asatur Yesayants

Ի՞նչ փաստեր ներկայացրեց Դավթյանը Ծառուկյանին անձենմխելիությունից զրկելու համար. տեսանյութ

Առաջին քրեական գործը «Շանգրի Լա» և «Օնիրա Քլաբ» խաղատներին վերաբերող գործն է, որի համաձայն` դրանց ապօրինի ձեռնարկատիրական գործունեության հետևանքով պետությանը հասցվել է շուրջ 30 մլրդ դրամի վնաս: Երկրորդ քրգործը վերաբերում է 2017թ-ի խորհրդարանական ընտրություններին: Ըստ գործի նյութերի` ԲՀԿ-ն հարյուր հազարների ընտրակաշառք է բաժանել:

Իսկ երրորդ քրեական գործը վերաբերում է Կոտայքի մարզի Առինջ համայնքում Ծառուկյանին պատկանող «Նյու» ընկերությանն օտարված հողատարածքին: Առինջի գյուղապետի ու ավագանու անդամների անօրինական որոշումների հետևանքով, ըստ գործի, համայնքին պատճառվել է շուրջ 400 մլն դրամի վնաս: Երեք քրեական գործերով նախաքննությունը շարունակվում է:

Այսօր ԱԱԾ-ն հանդես եկավ նաև չորրորդ քրեական գործի մասին հայտարարությամբ, որը վերաբերում է արդեն 2017թ-ի Երևանի ավագանու ընտրություններում ԲՀԿ-ի կատարած ընտրախախտումներին:

«Խստագույնս դատապարտում ենք». ԼՀԿ–ն` Ծառուկյանի շուրջ ծավալված դեպքերի մասին