ԵՐԵՎԱՆ, 18 հունիսի — Sputnik. Առաջիկայում Ռուսաստանի քաղաքացիներին Հայաստանից հայրենիք տեղափոխող մի քանի չվերթ կիրականացվի։ Տեղեկությունը հայտնում է Հայաստանում Ռուսաստանի դեսպանատան մամուլի ծառայությունը։
Նշվում է, որ NGT753 Երևան-Կալուգա չվերթը նախատեսված է 2020 թվականի հունիսի 23-ին տեղական ժամանակով ժամը 08:00-ին։
Հաղորդագրության համաձայն՝ այդ չվերթով կարող են մեկնել միայն ՌԴ այն քաղաքացիները, որոնք բնակվում են Մոսկվայում, Մոսկվայի, Վլադիմիրի, Իվանովոյի, Կալուգայի, Ռյազանի, Սմոլենսկի, Տվերի, Տուլայի, Յարոսլավլի, Բյանսկի, Օրլովի, Լիպեցկի, Տամբովի, Բորոների, Կուրսկի, Պսկովի, Նովգորոդի, Վոլոգդայի, Կոստրոմայի, Նիժնի Նովգորոդի, Պենզայի, Ուլյանովսկի, Կալինինգրադի մարզերում, նաև Մորդովիա հանրապետությունում։
Նույն օրը կկայանա NGT747 Երևան-Վորոնեժ չվերթը։ Այն նշանակված է տեղի ժամանակով ժամը 16:00-ին։
«Այդ չվերթը հնարավոր է միայն ՌԴ քաղաքացիների համար, որոնք բնակվում են Վորոնեժի, Բելգորոդի, Կուրսկի, Օրլովի, Բրյանսկի, Տուլայի, Կալուգայի մարզում, Մոսկվայում, Մոսկվայի, Վլադիմիրի, Ռյազանի, Նիժնի Նովգորոդի, Մորդովիայի հանրապետության, Պենզայի, Սարատովի, Լիպեցկի, Տամբովի, Վոլգոգրադի, Ռոստովի ու Կալինինգրադի մարզերում», - նշվում է Facebook-ի հաղորդագրության մեջ։
Եվս մեկ չվերթ` NGT751 Երեվան-Դոնի Ռոստովը, կկազմակերպվի հունիսի 24-ին։ Տեղական ժամանակով ժամը 10:00 –ին։
Այն նախատեսված է ՌԴ քաղաքացիների համար, որոնք բնակվում են Ռոստովի, Վորոնեժի, Վոլգոգրադի, Աստրախանի մարզերում, Ադիգեա, Կալմիկեա հանրապետություններում, Կրասնոդարի երկրամասում, Ստավրոպոլի երկրամասում, Ղրիմի հանրապետությունում, Սևաստոպոլում։
Ճապոնիայի երկնքում առեղծվածային գունդ է հայտնվել ու չքացել․ տեսանյութ
Նշվում է, որ չվերթերի համար կարելի է գրանցվել https://www.gosuslugi.ru/395443/1 հղումով։ Տեղերը սահմանափակ են։
Հիշեցնենք` կորոնովիրուսի հետ կապված իրավիճակի պատճառով ՌԴ իշխանությունները մարտի 27-ից փակեցին մյուս երկրների հետ կանոնավոր և չարտերային ավիահաղորդակցությունը։ Բացառություն են կազմում միայն քաղաքացիներին դուրս բերելու և հայրենիք վերադարձնելու նպատակով, փոստային, սանիտարական ու մարդասիրական և կառավարության որոշմամբ իրականացվող չվերթերը, բեռնափոխադրումները, տեխսպասարկման նպատակով դատարկ ինքնաթիռների տեղափոխումը, ինչպես նաև ՌԴ տարածքում լիցքավորվելու համար վայրէջքով տրանզիտային թռիչքները։
