13:20 13 օգոստոսի 2020
Ուղիղ եթեր
  • USD485.00
  • GBP632.83
  • EUR570.60
  • RUB6.64
Հայաստան
Ստանալ կարճ հղումը
Ռոբերտ Քոչարյան (451)
124534

ՀՀ 2–րդ նախագահի ընտանիքին և ընկերներին հաջողվել է հավաքել գրավի համար պահանջվող գումարը։

ԵՐԵՎԱՆ, 20 հունիսի – Sputnik. ՀՀ 2–րդ նախագահ Ռոբերտ Քոչարյանն արդեն տանն է։ Sputnik Արմենիայի տվյալներով` նա այսօր երեկոյան դուրս է եկել «Իզմիրլյան» ԲԿ–ից և վերադարձել տուն։ Նախկին նախագահի ընտանիքին և ընկերներին հաջողվել է հավաքել գրավի համար պահանջվող գումարը, որը փոքր չէր։

Քոչարյանի ազատ արձակման մասին դեռևս պաշտոնական հաղորդագրություն չկա։ 2–րդ նախագահի գրասենյակից ասել են, որ պաշտոնական հաղորդագրություն կլինի վաղը։ Sputnik Արմենիայի տվյալներով` հնարավոր է Քոչարյանը բուժումը շարունակելու խնդիր ունենա և կրկին վերադառնա «Իզմիրլյան» կենտրոն։

Հիշեցնենք, որ Վերաքննիչ քրեական դատարանի դատավոր Արսեն Նիկողոսյանը երեկ մասնակի բավարարեց Ռոբերտ Քոչարյանի կալանքը փոխելու միջնորդությունները մերժելու մասին դատարանի որոշման դեմ բողոքը։ Քոչարյանն ազատ կարձակվի 2 միլիարդ դրամ գրավի դիմաց։  Գումարը վճարելու համար օրենքով կարճ ժամանակ է սահմանված՝ ընդամենը երկու օր։

Դրան հաջորդել էր ՀՀ դատախազության հայտարարությունը, ըստ որի`պատրաստվում են Վճռաբեկ դատարան բողոք ներկայացնել։

Մինչ այդ` դեռ մայիսի 8-ին, Քոչարյանի խափանման միջոցը փոխելու վերաբերյալ դատական նիստում ՀՀ նախկին վարչապետներ Վազգեն Մանուկյանը, Խոսրով Հարությունյանը, Կարեն Կարապետյանը, ինչպես նաև Արցախի նախկին վարչապետ Անուշավան Դանիելյանը Քոչարյանի խափանման միջոց կալանքը անձնական երաշխավորությամբ փոխարինելու միջնորդություն էին ներկայացրել։

Մայիսի 13-ին Երևանի ընդհանուր իրավասության դատավոր Աննա Դանիբեկյանը մերժել էր միջնորդությունը։ Այս որոշումն էլ Վերաքննիչում բողոքարկել էին Քոչարյանի պաշտպանները, որն էլ մասնակի բավարարեց Վերաքննիչը։

Խոշոր գործարարները պատրաստ են վճարել Քոչարյանի գրավի համար. Սողոմոնյան

ՀՀ երկրորդ նախագահին մեղադրանք է առաջադրվել 2008 թ–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։ 2018թ-ին Քոչարյանին երկու անգամ ձերբակալեցին:

2019 թվականի հունիսի վերջին նա ձերբակալվեց երրորդ անգամ: Երկրորդ նախագահին նաև կաշառք ստանալու մեղադրանք է առաջադրված։

 

թեմա:
Ռոբերտ Քոչարյան (451)

Ըստ թեմայի

Որքա՞ն արժեն Քոչարյանի որդու և դստեր բնակարանները. դրանք կարող են գրավի առարկա դառնալ
Դատախազությունը կբողոքարկի Ռոբերտ Քոչարյանին ազատ արձակելու որոշումը
«Որևէ խնդիր չի առաջանա». Քոչարյանի պաշտպանը` գրավի համար 2 մլրդ դրամը վճարելու մասին
թեգերը:
գրավ, հիվանդանոց, տուն, Դատարան, Ռոբերտ Քոչարյան

Գլխավոր թեմաներ