ԵՐԵՎԱՆ, 22 հունիսի – Sputnik. ՀՀ առողջապահության նախարարությունը տեղեկացրել է, թե նախարարության ցուցումներով որ լաբորատորիաներում են իրականացնում կորոնավիրուսի ախտորոշման թեստեր։
Ի դեպ, այդ ցանկում կան ինչպես անվճար` համապատասխան ցուցումով թեստավորման համար նախատեսված լաբորատորիաները, այնպես էլ վճարովի հետազոտություններ իրականացնողները։
Այսպիսով, անվճար հետազոտություններ իրականացվում են «Հիվանդությունների վերահսկման և կանխարգելման ազգային կենտրոնում», «ՁԻԱՀ-ի կանխարգելման հանրապետական կենտրոնում», «Նորք» ինֆեկցիոն կլինիկական հիվանդանոցում և «Նատալի ֆարմ» ՍՊԸ–ում («Աստղիկ» բժշկական կենտրոն): Իսկ վճարովի հետազոտություններ իրականացնող լաբորատորիաներ են «Պրոմ-Տեստը» «Գիսանե» և «Էկոսենս» ՍՊԸ–ները։
Հիշեցնենք` Հայաստանում սկսել են նաև հակամարմինների թեստավորում իրականացնել։ Առայժմ դրանք իրականացվում են բուժաշխատողների շրջանում։
Նշենք` կորոնավիրուսով վարակվածների թիվը վերջին մեկ օրում ավելացել է 320–ով և հասել 20 588-ի։
Եթե ես չանեմ, չեմ կարող ուրիշից ակնկալել․ կորոնավիրուսի դեմ պայքարող կամավորի պատմությունը
