ԵՐԵՎԱՆ, 24 հունիսի – Sputnik. Վերջին մեկ օրում Հայաստանում կորոնավիրուսից մահացել է 14 մարդ, նրանցից 7–ը տղամարդ են, 7–ը` կին։ Տեղեկությունը հայտնում է ՀՀ առողջապահության նախարարությունը։
«Մահվան դեպքերի վերաբերյալ հայտնում ենք, որ պացիենտները եղել են 64 (կին), 79 (տղամարդ), 65 (տղամարդ), 64 (տղամարդ), 73 (կին), 68 (տղամար), 62 (կին), 76 (կին), 83 (տղամարդ), 76 (կին), 68 (կին), 83 (տղամարդ), 83 (տղամարդ), 68 (կին) տարեկան: Բոլորն ունեցել են ուղեկցող քրոնիկական հիվանդություններ»,–ասված է հաղորդագրության մեջ։
Նախորդ օրն արձանագրվել է մահվան 4 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 130 է:
Ինչպես արդեն տեղեկացրել էինք, վերջին մեկ օրում Հայաստանում գրանցվել է կորոնավիրուսով վարակման 711 հաստատված դեպք։ Այս պահին փաստացի բուժում է ստանում 10404 մարդ, կատարվել է 100 400 թեստավորում, առողջացել են վարակվածներից 10797-ը։
Ինչո՞ւ կորոնավիրուսով հիվանդները օգնություն չեն ստանում և ստիպված դիմում են լրագրողներին
