19:30 27 հոկտեմբերի 2020
Ուղիղ եթեր
  • USD493.18
  • GBP642.22
  • EUR582.25
  • RUB6.44
Հայաստան
Ստանալ կարճ հղումը
Կորոնավիրուսը Հայաստանում և Արցախում (1589)
78701

ՀՀ առողջապահության նախարարը քաղաքացիներին կոչ է արել հրաժարվել բոլոր այցերից, ուրախ ու տխուր միջոցառումներից, ռեստորանում սնվելուց ու բնության գրկում պիկնիկներից:

ԵՐԵՎԱՆ, 28 հունիսի –Sputnik. ՀՀ առողջապահության նախարար Արսեն Թորոսյանը Facebook-ում գրառում է արել, հորդորելով հրաժարվել ամառային զբոսանքներից, պիկնիկներից, ամեն տեսակի արարողությունների մասնակցելուց։

«Մեզ անհրաժեշտ է գիտակցված լոքդաուն՝ պարտադրվածի փոխարեն։ Բոլորս պետք է սահմանափակենք մեր ոչ կենսական շփումները, շարժումները, այցերը, միջոցառումները, հանդիպումները։ Պետք է մնանք տանը, ինչքան հնարավոր է` շատ»,–գրել է նախարարը։

Թորոսյանը հատկապես շեշտել է, որ անհրաժեշտ է տանը մնալ շաբաթ-կիրակի օրերին՝ չգնալ հյուր, ցերեկույթների, երեկույթների, բնության գրկում պիկնիկների, դադարեցնել այցերը տեսարժան վայրեր։

Նախարարը հորդորում է դադարեցնել նշել տարբեր ուրախ առիթներ՝ երեխայի ծնունդ, այլ ծննդյան արարողություններ, ամուսնության տարեդարձներ և այլն, այդ թվում՝ տանը։

Նրա խոսքով` պետք է սահմանափակել ու նույնիսկ դադարեցրել նաև սգո միջոցառումներին մասնակցությունը և բավարարվել հեռախոսով ասված ցավակցությամբ:

«Դադարեցրե՛ք սրճարան-ռեստորանային այցելությունները, դա միակ տեղն է, որտեղ հնարավոր է լինել առանց դիմակի և վարակել միմյանց։ Եթե սնունդ եք ուզում ընդունել հենց այդ ռեստորանից, պատվիրեք այն և միայնակ սնվեք։ Դուրս մի՛ եկեք երեկոյան զբոսանքների։ Պետք է կարողանանք դիմանալ այդ գայթակղությանը և կարևոր պահանջին մինչև իրավիճակի լավացումը»,- գրում է Արսեն Թորոսյանը։

Կորոնավիրուսը Հայաստանում ևս 6 մարդու կյանք է խլել, այդ թվում` 33 տարեկան երիտասարդի

Նա նաև հիշեցնում է, որ պետք է ճիշտ դնել դիմակ, պահպանել 1.5-2մ հեռավորություն, հաճախ ախտահանել ձեռքերը։

«Այս իրավիճակից դուրս գալու այլ ելք չկա։ Պարզապես չկա»,- եզրափակել է նա:

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 736–ով՝ հասնելով 24 645-ի։

Վերջին մեկ օրում մահացածների թիվը 6 է: Մահացած ամենաերիտասարդ պացիենտը 33 տարեկան տղամարդ է եղել:

Համավարակի ընթացքում Հայաստանում մահերի ընդհանուր թիվը ներկա պահին 139 է:

Ինչո՞ւ դիմակով չեք․ ճապոնացին ոտքով հասել է Հայաստան ու համավարակի պատճառով մնացել այստեղ

թեմա:
Կորոնավիրուսը Հայաստանում և Արցախում (1589)

Ըստ թեմայի

Երկիրը «պատերազմի» մեջ է, բուժաշխատողներն` առաջնագծում. Արսեն Թորոսյան
Արսեն Թորոսյանը գիտի՝ կորոնավիրուսից հետո ինչպիսին կլինի ՀՀ–ի առողջապահական համակարգը
Արսեն Թորոսյանը լավ լուր ունի` հայկական արտադրության թեստերը պատրաստ են
Երևանը դառնում է կորոնավիրուսի տարածման մեծ օջախ. Թորոսյան
թեգերը:
Հայաստան, Արսեն Թորոսյան, կորոնավիրուս

Գլխավոր թեմաներ