10:01 30 սեպտեմբերի 2020
Ուղիղ եթեր
  • USD487.62
  • GBP626.93
  • EUR570.03
  • RUB6.14
Հայաստան
Ստանալ կարճ հղումը
Կորոնավիրուսը Հայաստանում և Արցախում (1507)
388 0 0

Աշնանն աշխարհում կորոնավիրուսի նոր՝ ավելի հուժկու ալիք է սպասվում: ՀՀ առողջապահության նախարարը հայտնեց, թե ինչպես է Հայաստանը պատրաստվում դրան:

ԵՐԵՎԱՆ, 9 հուլիսի — Sputnik. Այսօր կառավարության հերթական նիստում ՀՀ առողջապահության նախարար Արսեն Թորոսյանն ասաց, որ արդեն մի քանի օր է` հոսպիտալացման իր հերթին սպասող ՀՀ քաղաքացի չկա: 

«Նաև շատ փոքր թիվ ունենք այն քաղաքացիների, որոնց մոտ հաստատվել է կորոնավիրուսային հիվանդությունը և նրանք պետք է տեղափոխվեն միայն կորոնավիրուսով զբաղվող հիվանդանոցներ: Նրանց թիվն առավոտյան 13 էր և օրվա ընթացքում տատանվում է այդ թվի շուրջ: Այս թվերը նշանակում են, որ բուժօգնության կարիք ունեցողներին այդ օգնությունը մատուցվում է, համակարգի ծանրաբեռնվածությունը մնում է լարված այնքանով, որ այս նոր մարտահրավերը դեռ նոր ռիսկ է պարունակում բոլորիս համար, և մենք պետք է շարունակենք բոլոր հիվանդանոցների ինտենսիվ աշխատանքը: Նոր ծավալումներ դեռ լինելու են մոտակա շաբաթներին ու ամիսներին: Բայց արձանագրենք, որ վիճակը մնում է կայուն, բայց ծանր»,- ասաց Թորոսյանը:

ՀՀ վարչապետ Նիկոլ Փաշինյանն էլ ընդգծեց, որ ոչ ոք չի կարող վստահ լինել, որ վաղը վիճակը նույնքան կայուն կլինի ու նեգատիվ զարգացումներ տեղի չեն ունենա:

Փաշինյանը շեշտեց, որ արդեն բացված նոր բուժհիմնարկներին առաջիկայում կավելանան կորոնավիրուսային նոր բաժանմունքներ «Էրեբունի», «Սբ. Գրիգոր Լուսավորիչ» ԲԿ-ներում:

Արսեն Թորոսյանը հավելեց, որ «Էրեբունի» ԲԿ-ի նոր բաժանմունքը գրեթե պատրաստ է ու կբացվի արդեն հաջորդ շաբաթ, իսկ «Սբ. Գրիգոր Լուսավորիչ» ԲԿ-ում լայնածավալ շինարարություն է մեկնարկել, որը կավարտվի մոտավորապես աշնան սկզբին:

Նրա խոսքով` աշնանն աշխարհում կորոնավիրուսի նոր՝ ավելի հուժկու ալիք է սպասվում, և նոր հիվանդանոցը պատրաստ կլինի հենց այդ նոր ալիքին ընդառաջ։

ՀՀ–ում Covid-19-ից մահվան ևս 14 դեպք է եղել. կանանցից մեկն այլ հիվանդություն չի ունեցել

Հիշեցնենք` հուլիսի 9-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 30346 դեպք, որոնցից 18000-ն առողջացած, 535-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11 641 պացիենտ:

Ընդհանուր առմամբ կատարվել է 12 9166 թեստավորում:

Վերջին մեկ օրում ունենք կորոնավիրուսային հիվանդությամբ հաստատված 526 նոր դեպք և 573 առողջացած։

526 նոր դեպք` մեկ օրում. ՀՀ–ում կորոնավիրուսով վարակվածների թիվը հատեց 30 000–ի սահմանը

թեմա:
Կորոնավիրուսը Հայաստանում և Արցախում (1507)

Ըստ թեմայի

Հայաստանում կորոնավիրուսային իրավիճակը պայթյունավտանգ չէ. Արսեն Թորոսյան
Եթե կորոնավիրուսով վարակվել ու լավացել ենք, երաշխիք չէ, որ այլևս չենք վարակվի. Թորոսյան
«Դեղերն արդեն կիրառում ենք, իսկ պատվաստանյութ գնելու համար քայլեր կսկսենք անել». Թորոսյան
թեգերը:
հիվանդություն, հիվանդանոց, հիվանդ, Հայաստան, Մահ, կորոնավիրուս, Արսեն Թորոսյան

Գլխավոր թեմաներ