13:21 13 օգոստոսի 2020
Ուղիղ եթեր
  • USD485.00
  • GBP632.83
  • EUR570.60
  • RUB6.64
Հայաստան
Ստանալ կարճ հղումը
128 0 0

Արտակարգ իրավիճակի ռեժիմի պայմաններում կառավարությունը թույլ է տվել բացել հանրային սննդի կետերը, այդ թվում՝ ռեստորանները: Բայց երգիչ-երաժիշտներին թույլ չի տվել դրանցում ելույթ ունենալ:

ԵՐԵՎԱՆ, 9 հուլիսի — Sputnik. Ռեստորանների երգիչները բողոքի ակցիա են կազմակերպել կառավարության շենքի դիմաց: Նրանք ՀՀ կառավարությունից պահանջում են ընդունել իրենց ներկայացուցիչներին ու լսել իրենց բարձրացրած խնդիրները: 

Արտակարգ իրավիճակի ռեժիմի պայմաններում կառավարությունը թույլ է տվել բացել հանրային սննդի կետերը, այդ թվում՝ ռեստորանները, բայց երգիչ-երաժիշտներին թույլ չի տվել դրանցում ելույթ ունենալ: Արդյունքում, նրանց խոսքով, մի քանի հարյուր ընտանիք մնացել են առանց եկամտի:

«Մենք պատրաստ ենք պահպանել բոլոր կանոնները՝ դիմակով երգել, հաճախորդներից սոցիալական հեռավորություն պահպանել: Թող կանոններ սահմանեն, մենք էլ դրանք պահպանելով աշխատենք»,- ասաց ակցիայի մասնակից` հանդիսավար- հաղորդավար էդիկ Կարապետյանը:

Ուրբաթը շաբաթից շուտ եկավ. տուրիզմի ոլորտին «ռեանիմատոլոգներ» են պետք

Հավաքվածները շեշտեցին, որ գրեթե բոլորը բանկերում վարկեր ու ապառիկ գնումների հաշիվներ ունեն, որոնց դիմաց չեն կարողանում վճարել: Իսկ կառավարության հատկացրած աջակցությունը շատ չնչին է մի քանի ամիս դրանով ընտանիք պահելու համար:

«68 000 դրամ եմ ստացել: 4 ամիս դրանով ո՞նց ապրեմ, հոսանքի ու գազի համար վճարե՞մ, թե՞ երեխեքիս համար ուտելիք գնեմ»,- ասաց հավաքվածներից մեկը:

Ոլորտի ներկայացուցիչներին մեկ շաբաթ առաջ ընդունել են ՀՀ ԱԺ «Իմ քայլը» և «Լուսավոր Հայաստան» խմբակցությունների պատգամավորները, լսել նրանց բողոքներն ու առաջարկները, բայց իրավիճակը չի փոխվել:

Այսօր նրանք հանդիպում են պահանջում վարչապետի հետ՝ հասկանալու իրենց հետագա քայլերը:

Մինչ կառավարությունը կարձագանքեր հավաքվածների պահանջին, ոստիկանությունը զգուշացրեց, որ հավաքն անօրինական է ու բերման ենթարկեց դրա մասնակիցներից մի քանիսին:

Սրճարաններում և ռեստորաններում նոր խստացումներ կլինեն

Ըստ թեմայի

Ի՞նչ է լինելու Հայաստանի ռեստորաններում ու սուպերմարկետներում արտակարգ դրությունից հետո
Կրկին բազմամարդ հարսանիքներ. 72 ժամով կասեցվել է ռեստորանային 3 համալիրի գործունեությունը
100 հոգանոց միջոցառում ռեստորանում, խախտումներ «Երևան Սիթիում». ՍԱՏՄ ստուգայցերի արդյունքը
թեգերը:
Ռեստորան, ոստիկան, Բողոքի ակցիա, երաժիշտ, երգիչ, ՀՀ կառավարություն, կառավարություն

Գլխավոր թեմաներ