17:34 06 օգոստոսի 2020
Ուղիղ եթեր
  • USD485.18
  • GBP639.27
  • EUR575.37
  • RUB6.62
Հայաստան
Ստանալ կարճ հղումը
Հայ–ադրբեջանական սահմանին տիրող իրավիճակը (208)
29910

Ակցիայի մասնակիցները լիահույս են, որ իրենց պահանջից հետո Ուկրաինան ձեռնպահ կմնա ադրբեջանամետ սադրիչ քաղաքական հայտարարություններից:

ԵՐԵՎԱՆ, 15 հուլիսի –Sputnik. ՀՅԴ կուսակցության երտասարդական թևը բողոքի ակցիա է իրականացրել ՀՀ-ում Ուկրաինայի դեսպանատան դիմաց՝ ընդդեմ այդ երկրի ԱԳՆ-ի տարածած հայտարարության:

«Թուրքիան սպառնալիք է տարածաշրջանի համար». արևելագետը ասել է` ով է Հայաստանի դաշնակիցը

Դեսպանատան դիմաց հավաքված մի խումբ հայ երիտասարդներ նախ պլաստմասսե մի քանի տարաներով իրենց հետ բերած «բորշչը» նետեցին դեսպանատան ուղղությամբ, ապա պահանջեցին`«Ուկրաինա՛, մի՛ սադրիր», «Մի՛ աջակցեք ագրեսորին», «Մի՛ աջակցեք Ադրբեջանին»:

«Ուկրաինայի դեսպանին կոչ ենք անում իրենց երկրի իշխանություններին փոխանցել, որ չխառնվեն կոնֆլիկտին ու չքաղաքականացնեն իրենց բիզնես շահերն ու Ադրբեջանի հետ ունեցած կապերը: Ջուր մի՛ լցրեք ագրեսոր Ադրբեջանի ջրաղացին, դրանից դուք միայն տուժելու եք»,- բարձրախոսով հայտարարեց ՀՅԴ Հայաստանի երիտասարդական միության անդամ Գոռ Սարգսյանը:

ՀՅԴ երիտասարդական թևի անդամներն այս հայտարարությունից հետո հույս հայտնեցին, որ իրենց պահանջից հետո Ուկրաինան ձեռնպահ կմնա նման քաղաքական հայտարարություններից:

Կորոնավիրուսի համաճարակով պայմանավորված` ակցիան տևեց մի քանի րոպե, որից հետո երիտասարդները հեռացան՝ դեսպանատան մուտքի մոտ թեղնելով «Shame on You», «Ukraine+Azerbayjan», «Support justice, not Azerbayjan», «Don't be like Azerbayjan» անգլերեն ու «iжте та замовкните» ուկրաիներեն գրություններով պաստառները:

Հուլիսի 13-ին Ուկրաինայի արտգործնախարարությունը հայտարարել էր, որ խորապես մտահոգված է ադրբեջանա-հայկական սահմանին իրավիճակի սրմամբ, ինչի հետևանքով հրետակոծվում է Թովուզի շրջանը։ Ուկրաինայի ԱԳՆ-ն կոչ էր արել կողմերին առավելագույն ջանքեր ներդնել իրավիճակի կարգավորման համար և ուղիներ փնտրել հարցը խաղաղ ճանապարհով լուծելու համար:

Բաքվում բանակի աջակցությանն ուղղված հանրահավաքն անկարգությունների է վերածվել

«Կոչ եք անում կոնֆլիկտը հարթել՝ հիմնվելով միջազգայնորեն ճանաչված սկզբունքների, ՄԱԿ Անվտանգության խորհրդի՝ 1993 թվականին ընդունված № 822, 853, 874 և 884 հռչակագրերի հիման վրա: Ուկրաինական կողմն իր աջակցությունն է հատնում Ադրբեջանի Հանրապետության ինքնիշխանության ու տարածքային ամբողջականության պահպանման հարցում»,-նշված էր հայտարարության մեջ:

Հուլիսի 14-ին Հայաստանի արտաքին գործերի նախարարություն է հրավիրվել Հայաստանում Ուկրաինայի դեսպան Իվան Կուլեբան, որին ընդունել է ԱԳ նախարարի տեղակալ Շավարշ Քոչարյանը։

Նա դեսպանին է ներկայացրել ՀՀ ԱԳՆ գնահատականն այդ առնչությամբ և փոխանցել տեղեկատվություն հայ-ադրբեջանական սահմանի հյուսիս-արևելյան ուղղությամբ հուլիսի 12-ից սկսված հրադադարի խախտումների, քաղաքացիական ենթակառուցվածքների ու խաղաղ բնակչության շարունակական թիրախավորման, ինչպես նաև Ադրբեջանի ագրեսիվ գործողությունների արդյունքում ստեղծված իրավիճակի մասին:

Հիշեցնենք` հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմանում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել:

Ադրբեջանը Տավուշի ուղղությամբ «Գրադ» համազարկային կրակի ռեակտիվ համակարգեր է կիրառել

Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո ադրբեջանական ԶՈՒ-ն պարբերաբար կրակ է արձակում ինչպես հայ դիրքապահների, այնպես էլ գյուղերի ուղղությամբ։

Հայկական կողմն ունի 4 զոհ և 10 վիրավոր։

Ադրբեջանը պաշտոնապես հայտարարել է 11 զոհի մասին, նրանց թվում է գեներալ-մայոր Փոլադ Հաշիմովը։

թեմա:
Հայ–ադրբեջանական սահմանին տիրող իրավիճակը (208)

Ըստ թեմայի

Օպերատիվ իրավիճակը համեմատաբար հանգիստ է, լարվածության նվազում կա․ Արծրուն Հովհաննիսյան
Elbit Hermes 900-ը հարձակողական անօդաչու չէ, վրան զենք չկա. Լապշինը ցնցված է հայերի արածից
Հայկական զինուժը ադրբեջանցիների 10 անօդաչու թռչող սարք է խոցել. Հովհաննիսյան
թեգերը:
Հայ Յեղափոխական Դաշնակցություն (ՀՅԴ), Արտաքին գործերի նախարարություն (ԱԳՆ), հայ-ադրբեջանական, ադրբեջանցի, Ադրբեջան, դեսպանատուն, Ուկրաինա, Հայաստան

Գլխավոր թեմաներ