16:15 11 օգոստոսի 2020
Ուղիղ եթեր
  • USD485.23
  • GBP633.52
  • EUR570.68
  • RUB6.59
Հայաստան
Ստանալ կարճ հղումը
Հայ–ադրբեջանական սահմանին տիրող իրավիճակը (208)
822 0 0

Հուլիսի 12-ից ադրբեջանական զինված ուժերը սկսեցին գնդակոծել Տավուշի մարզի հայկական դիրքերն ու բնակավայրերը։ Տուժեցին միանգամից մի քանի բնակելի գյուղեր։ Sputnik Արմենիայի լրագրողներն այցելել են սահմանամերձ գյուղեր և անձամբ ականատես եղել իրավիճակին։

Ներքին Կարմիրաղբյուր

«Մեր գյուղը լավագույնն է։ Այնպիսի մարդիկ, ինչպիսիք այստեղ են, ուրիշ տեղ չկան»,-այս խոսքերով է հյուրերին դիմավորում գյուղապետ Լևոն Առաքելյանը։

Глава администрации села Неркин Кармирахпюр, Тавуш Левон Аракелян
© Sputnik / David Galstyan
Կարմիրաղբյուրի գյուղապետ Լևոն Առաքելյան

Հակամարտության սրման արդյունքում ադրբեջանական հրետանին ռմբակոծել է մոտ 800 բնակիչ ունեցող գյուղը։ Բարեբախտաբար, զոհերից հաջողվել է խուսափել, վնասվել են 6 տուն և ենթակառուցվածքներ՝ գազի խողովակներ, էլեկտրացանցեր։ Գյուղի հրետակոծումը ինչ-որ արտակարգ բան դժվար է համարել։ Սա ո՛չ առաջին, ո՛չ էլ, թերևս, վերջին անգամն է։

Обстрелянный дом в селе Айгепар, Тавуш
© Sputnik / Aram Nersesyan
Ներքին Կարմիրաղբյուրի հրետակոծված տներից մեկը

«Վտանգը մեզ համար գոյություն ունի արդեն 30 տարի։ Բայց մարդիկ ապրում են, շարունակում են ապրել»,-ասում է Առաքելյանը։

Обстрелянный дом в селе Айгепар, Тавуш
© Sputnik / Aram Nersesyan
Ներքին Կարմիրաղբյուրի հրետակոծված տներից մեկը

Մարդիկ սովորել են ապրել գնդակների սուլոցի տակ։ Կրակոցներն այստեղ արդեն սովորական բան են։ Դա հատկապես զգում են դաշտում աշխատող և կենդանիներին արոտավայրեր տանող գյուղացիները։ Մի քանի տարի առաջ սեփական բակում սպանվել էր կոմբայնավարը։

Ադրբեջանական «փառապանծ» Յաշմայի մոտ 100 հատուկջոկատայինի գրոհ է կասեցվել

Վերջին հրետակոծության արդյունքում արկն ընկել էր գյուղապետարանից մի քանի տասնյակ մետր հեռու գտնվող տան տանիքին։ Տանտիրոջ բախտը բերել էր՝ նա տունը որպես ամառանոց է օգտագործում և այդ պահին պարզապես գյուղում չէր։ Բակում բեկորների կույտ է և ջարդված ապակիներ։

Пострадавший от обстрелов жилой дом в селе Неркин Кармирахпюр, Тавуш
© Sputnik / David Galstyan
Ներքին Կարմիրաղբյուրի հրետակոծված տներից մեկը

Այդ արկը միակը չէր։ Մյուսը խոցել է մեկ այլ տան անկյունը, քանդել կից շինությունը։ Տան միակ բնակչուհին՝ Սվետիկ Հարությունյանը, այդ ժամանակ դրսում է եղել։ Նրա տունը ադրբեջանական դիրքերից 700 մետր է հեռու։

Пострадавший от обстрелов жилой дом в селе Неркин Кармирахпюр, Тавуш
© Sputnik / David Galstyan
Հրետակոծության հետևանքով ընկած ջահ

«Տուն վազեցի` հեռախոսը վերցնեմ, որ եթե մի բան լինի՝ գոնե եղբորս զանգեմ։ Այդ պահին արկն ընկավ տան վրա, արդեն չհասցրի դուրս վազել։ Լավ է՝ պատերն ամուր են, դրանց հետևում թաքնվեցի, ինձ ոչինչ չեղավ»,-պատմեց Հարությունյանը։

Света Арутюнян
© Sputnik / David Galstyan
Սվետիկ Հարությունյան

Սվետիկի հարևաններից մեկի տանը հարվածային ալիքը պոկել է ջահն ու քիվերը, մյուսի տան պատուհանների բոլոր 13 ապակիներն է կոտրել։ Քիչ ավելի վեր բեկորը երկրորդ հարկի պատուհանից ներս է ընկել և խրվել սենյակներից մեկի պատուհանի շրջանակի մեջ։

Փլուզված տանիք, «մաղ» դարձած պատ. Չինարիում ավերվել են հացի փուռն ու հարակից տունը

Մեկ այլ բեկոր մնացել է մուտքի դռան մեջ։

 След осколка в двери жилого дома Навасарда Симоняна в селе Неркин Кармирахпюр (16 июля 2020). Тавуш
© Sputnik / David Galstyan
Նավասարդ Սիմոնյան

Տանտերը՝ Նավասարդ Սիմոնյանը, վշտացած է, բայց չի շտապում վերականգնել տունը։ Հասկանալի է՝ կրակոցները շարունակվում են։ Ասում է՝ կսպասի մի քանի օր, մեկ էլ տեսար՝ էլի ինչ-որ բան ընկավ գլխին։ Սա արդեն նրա երկրորդ տունն է, առաջինն այրվել է 1994թ.-ին։

Ամենաշատը նրան վշտացնում է այն, որ իրավիճակի սրման պատճառով չի կարողանում հանդիպել թոռանը։

«Այսպես չի կարելի։ Եթե պատերազմ է, ուրեմն կամ ամեն մեկին զենք տուր, կամ էլ, ինչպես 1989-ին, կացնով, մահակով կգնանք։ Էլ հնարավոր չի այսպես, հոգնել ենք 30 տարի վախը սրտներումս ապրելով։ Ինչքան կարելի է»,-ասում է Սիմոնյանը։

12 տարի ինքը ծառայել է սահմանին, իսկ ընտանիքն ապրել է տնակում, վերջապես տուն են գնել, և հիմա ամեն ինչ նորից է սկսվում։ Եվ բանը փողը չէ, ուղղակի թևաթափ են լինում։ Ահա, ուզում էր կրտսեր որդուն ամուսնացնել՝ արդեն 30 տարեկան է։ Տղան էլ ասում է․ «Ամուսնանամ, կնոջս ո՞ւր բերեմ, կրակոցների տա՞կ»։

«Ապրել ենք ուզում, բայց չեն թողնում»,-կրկնում են շուրջը հավաքված տարիքով գյուղացիները։

Жители пострадавшего от обстрелов жилого дома в селе Неркин Кармирахпюр, Тавуш
© Sputnik / David Galstyan
Ներքին Կարմիրաղբյուրի բնակիչներ

Կյանքն այս գյուղում քաղցր չէ։ Մանկուց ցնցվում են հանկարծակի կրակոցներից։

Եվ մանկուց էլ սուլոցի ձայնից կարող են որոշել, թե ինչ զենքից են իրենց վրա կրակում։ Այդ ձայները տարբերում են բոլորը, անգամ փոքրիկ աղջիկները։

Пострадавший от обстрелов жилой дом в селе Неркин Кармирахпюр, Тавуш
© Sputnik / David Galstyan
Ներքին Կարմիրաղբյուրի հրետակոծված տներից մեկը

Իրավիճակը մյուս սահմանամերձ գյուղերում

Այգեպար գյուղում, որը գտնվում է հակառակորդի դիրքերից մի քանի հարյուր մետր հեռավորության վրա, ականանետերից և հրանոթներից գնդակոծության հետևանքով մոտ 10 տուն է տուժել: Նախքան հարվածները կսկսվեին, մարդիկ հասցրել են թաքնվել հատուկ ապաստարաններում։ Նրանք դեռ վախենում են թողնել ապաստարաններն ու տուն վերադառնալ։

Житель села Айгепар, Тавуш
© Sputnik / Aram Nersesyan
Այգեպար գյուղի բնակչուհի

«Գիժ կամ անխելք պիտի լինես, որ չվախենաս։ Երեխաների համար ենք վախենում։ Բայց սովոր ենք, հենց գնդակոծությունն ուժեղանում է, իջնում ենք նկուղներ։ Մի քանի օր առավոտից երեկո չենք կարողանում դուրս գալ, որ գոնե մի բան ուտենք»,-ասում է գյուղի բնակչուհին։

Водитель обстрелянного гражданского автомобиля в селе Айгепар Мхитар Самсонян отвечает на вопросы журналистов (15 июля 2020). Тавуш
© Sputnik / Aram Nersesyan
Մխիթար Սամսոնյան

Գյուղի մեկ այլ բնակիչ՝ Մխիթար Սամսոնյանը, հրաշքով է փրկվել իր մեքենայի կողքին տեղի ունեցած պայթյունից։ Կադրերում երևում է, որ մեքենան կարգին վնասվել է։

Обстрелянный гражданский автомобиль в селе Айгепар, Тавуш
© Sputnik / Aram Nersesyan
Մխիթար Սամսոնյանի մեքենան

Մեկ այլ գյուղի՝ Արծվաբերդի շատ ծնողներ իրենց անչափահաս երեխաներին ուղարկել են քաղաքներում կամ սահմանից հեռու գյուղերում բնակվող ազգականների մոտ։

  • Այգեպարի բնակիչ
    Այգեպարի բնակիչ
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկի տանտիրուհին
    Այգեպարի հրետակոծված տներից մեկի տանտիրուհին
    © Sputnik / Aram Nersesyan
  • Այգեպարի հրետակոծված տներից մեկի տանտիրուհին
    Այգեպարի հրետակոծված տներից մեկի տանտիրուհին
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկի տերը ցույց է տալիս արկերի բեկորները
    Այգեպարի հրետակոծված տներից մեկի տերը ցույց է տալիս արկերի բեկորները
    © Sputnik / Aram Nersesyan
  • Այգեպարի հրետակոծված տներից մեկի տերը ցույց է տալիս արկերի բեկորները
    Այգեպարի հրետակոծված տներից մեկի տերը ցույց է տալիս արկերի բեկորները
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
  • Այգեպարի հրետակոծված տներից մեկը
    Այգեպարի հրետակոծված տներից մեկը
    © Sputnik / Aram Nersesyan
1 / 19
© Sputnik / Aram Nersesyan
Այգեպարի բնակիչ

«Ամբողջ գիշեր գլխներիս վերևում կրակոցներ են, երեխաները վախենում են, չեն քնում, ինչ արած։ Չնայած գյուղի վրա չեն կրակել, մի քանի արկ ընկել է շրջակայքում»,-պատմեց գյուղի բնակչուհի Աստղիկը։

Житель села Арцваберд Астхик в городе Берд, Тавуш
© Sputnik / Aram Nersesyan
Արծվաբերդի բնակչուհի Աստղիկը

Գյուղի բնակիչները չեն կարողանում դաշտ դուրս գնալ, որ մշակեն խաղողի վազերը։ ՈՒԱԶ-ով դաշտ դուրս եկած համարձակները գնդակոծության տակ են ընկել, բայց հասցրել են վերադառնալ։

Մի քանի արկ էլ Բերդ քաղաքի շրջակայքում է ընկել։ Կյանքը սովորականի պես է ընթանում։ Չնայած բնակիչների մի մասը տնից դուրս չի գալիս, իսկ շատ խանութներ փակ են, սակայն քաղաքում իրավիճակը շատ ավելի հանգիստ է։

Ինչ խնդիր է դրել Ադրբեջանը. պաշտպանության նախկին նախարարը մեկնաբանում է իրավիճակը

Այս ընթացքում Բերդ են ժամանել կամավորական «Արծիվ-30» մահապարտների ջոկատի անդամները։ Բանակն առայժմ նրանց օգնության կարիքը չի զգում, բայց նրանք ամեն պահի պատրաստ են աջակցել։

Члены добровольческого отряда смертников Арцив 30
© Sputnik / Aram Nersesyan
«Արծիվ-30» մահապարտների ջոկատի անդամներ

Հուլիսի 16-ի գիշերը ադրբեջանական զինուժը անհաջող դիվերսիայից հետո վերսկսել է Մովսես և Այգեպար գյուղերի հրետակոծությունը: Թե ինչ իրավիճակ է հիմա այնտեղ՝ դեռևս հայտնի չէ։

Обстрелянный гражданский автомобиль в селе Айгепар, Тавуш
© Sputnik / Aram Nersesyan
Ադրբեջանական հրետակոծության տակ ընկած մեքենա

Հետևելու ենք նաև սահմանամերձ գյուղերում տիրող իրավիճակին։

թեմա:
Հայ–ադրբեջանական սահմանին տիրող իրավիճակը (208)

Ըստ թեմայի

Ինչ է կատարվում Տավուշում. ՊՆ-ն Այգեպարին հարվածելու տեսանյութ է հրապարակել
Կրակոցներից տուժած Այգեպարն ու Ներքին Կարմիրաղբյուրը լուսանկարներով
Այգեպարի մանկապարտեզն ավերվել է հակառակորդի հրետակոծությունից. լուսանկարներ
թեգերը:
Սահման, հայ-ադրբեջանական, ադրբեջանցի, Ադրբեջան, գյուղացի, Գյուղ, հայ, Հայաստան, գնդակոծություն, հրետակոծություն, Տավուշ, Բերդ, Չինարի, Այգեպար

Գլխավոր թեմաներ