13:17 01 դեկտեմբերի 2020
Ուղիղ եթեր
  • USD506.40
  • GBP674.68
  • EUR606.82
  • RUB6.65
Հայաստան
Ստանալ կարճ հղումը
Հայ–ադրբեջանական սահմանին տիրող իրավիճակը (209)
84 0 0

Հայ–ադրբեջանական սահմանին տիրող հարաբերական կայուն իրավիճակից ելնելով` հայկական բնակավայրերում շինարարական աշխատանքներ են տարվում։

ԵՐԵՎԱՆ, 18 հուլիսի — Sputnik. Հայկական միասնական տեղեկատվական կենտրոնը հայտնում է, որ Տավուշում հակառակորդի կրակոցներից տուծած բնակավայրերում արդեն իսկ շինարարական աշխատանքներ են արվում։

«Հրետանակոծությունից տուժած բնակավայրերում վերականգնման աշխատանքները մեկնարկել են»,–նշված է Faceboօk սոցցանցի` կենտրոնի էջում։

Տավուշի մարզպետ Հայկ Չոբանյանը երեկ կայացած մամուլի ասուլիսի ժամանակ հայտնել էր, որ առաջնահերթ կվերականգնվեն այն տները, որոնք երկար նախագծային աշխատանքներ չեն պահանջում` սենյակները կամ տունը պետք է բերել ապրելու վիճակի։

Մարզպետն ասել էր նաև, թե բնակիչներից շատերն են իրեն հարցրել` դեռ վաղ չէ՞ տների վերականգնման աշխատանքները սկսելու համար, իսկ եթե հակառակորդը նորի՞ց սկսի։ Չոբանյանի պատասխանը մեկն է եղել՝ վերականգնման աշխատանքները պետք է անմիջապես սկսվեն, որովհետև սահմանում ապրող մարդը ոչ մի օր չպետք է այդ պայմաններում մնա։

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Չոբանյան. Կրակել են ոչ թե բնակավայրերի, այլ դիրքապահների ուղղությամբ

Հուլիսի 16–ին հայկական ստորաբաժանումները կանխել են հակառակորդի դիվերսիոն ներթափանցման փորձը։ Թեժ մարտից հետո հակառակորդը, կորուստներ կրելով, հետ է շպրտվել։ Այնուհետև ադրբեջանական ստորաբաժանումները սկսել են հրետակոծել Այգեպար և Մովսես գյուղերը՝ կիրառելով ականանետ և Դ-30 հաուբից:

Հուլիսի 18-ի պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 4 զոհ ունի, 36 վիրավոր (ևս մեկը խաղաղ բնակչությունից)։

թեմա:
Հայ–ադրբեջանական սահմանին տիրող իրավիճակը (209)

Ըստ թեմայի

«Առյուծ տղերք ունենք, պետք լինի՝ կողքներին կանգնած եմ»․ Չինարիի վիրավորվում ստացած բնակիչ
Ինչու Ադրբեջանը որոշեց հարվածել հենց Տավուշի ուղղությամբ. Փաշինյանն ունի պատասխանը
«Պատրաստ եմ ծնկի գալ»․ Կադիրովը Հայաստանին ու Ադրբեջանին կոչ է արել դադարեցնել կռիվը
թեգերը:
հրետակոծություն, Ներքին Կարմիրաղբյուր, Այգեպար, Չինարի, Սահման, հայ, հայ-ադրբեջանական, ադրբեջանցի, Ադրբեջան

Գլխավոր թեմաներ