13:11 01 դեկտեմբերի 2020
Ուղիղ եթեր
  • USD506.40
  • GBP674.68
  • EUR606.82
  • RUB6.65
Հայաստան
Ստանալ կարճ հղումը
Հայ–ադրբեջանական սահմանին տիրող իրավիճակը (209)
73 0 0

Ամենայն հայոց կաթողիկոսը տեսակցել է հայ–ադրբեջանական սահմանին հուլիսի 12-ին մեկնարկած մարտական գործողությունների հետևանքով վիրավորում ստացած հայ զինծառայողներին։

ԵՐԵՎԱՆ, 22 հուլիսի — Sputnik. Մայր աթոռի տեղեկատվական համակարգը հայտնում է, որ Ն.Ս.Օ.Տ.Տ. Գարեգին երկրորդ ծայրագույն պատրիարք և Ամենայն հայոց կաթողիկոսն այցելել է ՀՀ պաշտպանության նախարարության կենտրոնական կլինիկական զինվորական հոսպիտալ` տեսակցելու հայ-ադրբեջանական սահմանին ռազմական գործողությունների ընթացքում վիրավորված զինծառայողներին։

«Ձեր սխրագործությունները պիտի հիշվեն մեր ժողովրդի պատմության բոլոր ժամանակներում։ Ձեր սխրագործություններով սերունդներ պիտի կրթվեն ու դաստիարակվեն։ Այդ սերունդներն են, որ պիտի հասակ առնեն նույն ոգով, նվիրումով և նույն հանձնառության գիտակցությամբ պիտի իրենց ծառայությունը բերեն մեր հայրենիքին։ Ինչպես այսօր դուք, նաև ապագա սերունդները պիտի գիտակցեն, որ հայրենիքն է մեր ուժը, զորությունն ու գոյության երաշխիքը», - զինծառայողներին դիմելով` ասել է կաթողիկոսը։

Նա իր աղոթքն է հնչեցրել յուրաքանչյուր զինվորի բժշկության համար՝ հայցելով Աստծո Աջի հովանին բանակին, սպայական կազմին և զինվորներին, որպեսզի շարունակեն իրենց քաջագործություններով հպարտություն պարգևել մեր ժողովրդին։

Католикос Всех Армян посетил Центральный военный госпиталь МО РА (22 июля 2020). Ереван
Վեհափառը հոսպիտալի մատուռում աղոթք է հղել երկրի խաղաղ ու անվտանգ կյանքի համար

Վեհափառ հայրապետը նաև հավելել է, որ եկեղեցին և ողջ ժողովուրդն այսօր աղոթքով զորավիգ ու աջակից է հայրենիքի պաշտպաններին։ Նա ասել է, որ երախտագիտության զգացում ունի ոչ միայն հայրենաբնակ մեր ժողովուրդը, այլև սփյուռքի հայությունը։

Հայրապետը բոլորին ընծայել է Սուրբ Գրիգոր Նարեկացու աղոթամատյան և մանրանկարներով տերունական խաչեր։

Կաթողիկոսը նաև այցելել է հոսպիտալի մատուռ և աղոթք հղել երկրի խաղաղ ու անվտանգ կյանքի համար։

Նշենք, որ նրան ուղեկցել են ՀՀ ԶՈւ հոգևոր առաջնորդ Տ․ Վրթանես եպիսկոպոս Աբրահամյանը, ՀՀ ԶՈւ ռազմաբժշկական վարչության պետ Սահակ Օհանյանը, Մայր Աթոռ Սուրբ Էջմիածնի «Իզմիրլյան» բժշկական կենտրոնի տնօրեն Արմեն Չարչյանը։

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Հուլիսի 22-ի պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 4 զոհ ունի, 36 վիրավոր (ևս մեկը խաղաղ բնակչությունից)։

Հայկական ԶՈւ ստորաբաժանումները 13 ԱԹՍ են խոցել

թեմա:
Հայ–ադրբեջանական սահմանին տիրող իրավիճակը (209)

Ըստ թեմայի

Ինչպես է գնահատվում վիրավոր զինծառայողների վիճակը. Հովհաննիսյանը նոր տվյալներ է հաղորդել
Վերանորոգված և նոր կահավորված հիվանդասենյակներ. նախարարն այցելել է ՊՆ կենտրոնական հոսպիտալ
Այն, ինչ արել է թշնամին, գրված և չգրված կանոնների խախտում է. նախագահն այցելել է հոսպիտալ
թեգերը:
Վիրավոր, զինծառայող, Հայաստան, Տավուշ, հոսպիտալ, Ամենայն Հայոց կաթողիկոս Գարեգին Բ, կաթողիկոս

Գլխավոր թեմաներ