09:50 30 սեպտեմբերի 2020
Ուղիղ եթեր
  • USD487.62
  • GBP626.93
  • EUR570.03
  • RUB6.14
Հայաստան
Ստանալ կարճ հղումը
161 0 0

Հայաստանում Ռուսաստանի դեսպանատունը հայտնում է, որ Երևանից մեկնող առաջիկա չվերթի տեղերը սահմանափակ են։

ԵՐԵՎԱՆ, 22 հուլիսի – Sputnik. Հուլիսի 30-ին Ռուսաստանի քաղաքացիները կկարողանան հայրենիք վերադառնալ Երևան – Միներալնիե Վոդի չվերթով։ Տեղեկությունը հայտնում է Հայաստանում Ռուսաստանի դեսպանատան մամուլի ծառայությունը Facebook-ի իր պաշտոնական էջում։  

Նշվում է, որ Երևան – Միներալնիե Վոդի չվերթը կկայանա տեղական ժամանակով ժամը 16:30-ին։ Այն հասանելի է միայն Ստավրոպոլի երկրամասի, Կարաչայ-Չերքեզիայի Հանրապետության, Կաբարդա-Բալկարիայի Հանրապետության, Հյուսիսային Օսեթիայի Հանրապետության, Ինգուշեթիայի Հանրապետության, Չեչնիայի Հանրապետության, Դաղստանի Հանրապետության, Կալմիկիայի Հանրապետության, Կրասնոդարի երկրամասին, Ղրիմի Հանրապետության ու Սևաստոպոլի բնակիչների համար։

 «Չվերթի համար պետք է գրանցվել հղումով։ Տեղերը սահմանափակ են։ Ցուցակները ձևավորվելու են պետծառայություններում գրանցման հիման վրա», - նշված է հաղորդագրության մեջ։

Առաջիկայում մեկ թռիչք կիրականացվի Կալուգայից. մանրամասներ

Ռուսաստանը մարտի 27-ին կորոնավիրուսի պատճառով դադարեցրել է այլ երկրների հետ պարբերական և չարտերային ավիահաղորդակցությունը։ Բացառություն են կազմում տարհանման, ինչպես նաև բեռնափոխադրող, փոստային, սանիտարական և մարդասիրական չվերթները, դատարկ ինքնաթիռների տեղափոխումը՝ տեխսպասարկման համար, տրանզիտային թռիչքները երկրի տարածքում՝ վերալիցքավորման կամ անձնակազմի փոփոխության վայրէջքով, որոնք իրականացվում են ՌԴ կառավարության առանձին որոշումներով։

թեգերը:
Ռուսաստան, թռիչք, չվերթ, Երևան

Գլխավոր թեմաներ