20:08 31 հոկտեմբերի 2020
Ուղիղ եթեր
  • USD493.60
  • GBP639.46
  • EUR576.08
  • RUB6.24
Հայաստան
Ստանալ կարճ հղումը
48 0 0

Վնասվածքների ծանրության աստիճանը պարզելու նպատակով նշանակվել է դատաբժշկական փորձաքննություն:

ԵՐԵՎԱՆ, 23 հուլիսի — Sputnik. ՀՀ ԱՆ «Արթիկ» քրեակատարողական հիմնարկի աշխատակիցների նկատմամբ բռնություն կիրառելու փաստով հարուցվել է քրեական գործ։ Տեղեկությունը հայտնում է ՀՀ քննչական կոմիտեն և տեղեկացնում, որ քրեական գործ է հարուցվել ՀՀ քրեական օրենսգրքի 316-րդ հոդվածի 2-րդ մասով (իշխանության ներկայացուցչի նկատմամբ բռնություն գործադրելը): Քրեակատարողական հիմնարկի երկու աշխատակիցները ճանաչվել են տուժող և ցուցմունք տվել:

Ինչպես արդեն տեղեկացրել էինք, հուլիսի 21-ին, ժամը 22:30-ին, ՀՀ ԱՆ «Արթիկ» քրեակատարողական հիմնարկի աշխատակիցները բացել են կարանտինային բաժանմունքի պատժախցի դուռը՝ այնտեղ գտնվող դատապարտյալին հասանելիք անկողնային պարագաները նրան հանձնելու համար:

Դատապարտյալը, դրանք վերցնելու պահին, ձեռքին եղած ածելիով անսպասելիորեն վնասվածք է պատճառել ՔԿ հիմնարկի աշխատակիցներից մեկի ձախ թիակի հետին հատվածին:

Մյուս աշխատակիցը, վնասազերծելու նպատակով, փորձել է վերցնել ածելին, սակայն դատապարտյալը նույն ածելիով վնասվածքներ է պատճառել նաև նրա դեմքին ու պարանոցին:

Շարունակելով Քրեակատարողական հիմնարկի աշխատակիցների նկատմամբ բռնություն գործադրել՝ դատապարտյալը նույն ածելիով վնասել է նաև ինքն իրեն:

Նախաքննության ընթացքում կատարվել է դեպքի վայրի զննություն, առգրավումներ, հարցաքննություններ: Հանցագործության գործիք հանդիսացող ածելին կցվել է գործի նյութերին:

Արդարադատության նախարարը հայտնեց, թե կորոնավիրուսային ինչ իրավիճակ է ՔԿՀ-ներում

ՔԿ հիմնարկի աշխատակիցներին հասցված վնասվածքների ծանրության աստիճանը պարզելու նպատակով նշանակվել է դատաբժշկական փորձաքննություն:

Նախաքննությունը շարունակվում է:

Ըստ թեմայի

Խաչատրյանի փաստաբաններն ահազանգում են. կորոնավիրուսի պատճառով նրան տեղափոխել են այլ ՔԿՀ
«Արմավիր» ՔԿՀ կարանտինային խցերից մեկում հայտնաբերվել է հարավկորեացի կալանավորի դին
«Կոշ» ՔԿՀ-ի դատապարտյալներից մեկի մոտ կորոնավիրուս է հայտնաբերվել
թեգերը:
Քրեական գործ, դատապարտյալ, Արթիկ, Քրեակատարողական հիմնարկ (ՔԿՀ)

Գլխավոր թեմաներ