09:05 04 օգոստոսի 2020
Ուղիղ եթեր
  • USD485.83
  • GBP633.62
  • EUR570.56
  • RUB6.57
Հայաստան
Ստանալ կարճ հղումը
172 0 0

Քաղաքապետարանի աշխատակցի ապօրինի գործողություններին արդյունքում Երևան համայնքին հասցվել է 638 մլն դրամի գույքային վնաս։

ԵՐԵՎԱՆ, 24 հուլիսի — Sputnik. ՀՀ հատուկ քննչական ծառայությունը տեղեկացնում է, որ կալանավորվել է Երևանի քաղաքապետարանի պետական և համայնքային սեփականություն հանդիսացող հողամասերի հրապարակային սակարկությունների (մրցույթների և աճուրդների) կազմակերպման և անցկացման հանձնաժողովի քարտուղարը` Ն. Տ.–ն։

«Ն. Տ.–ն, «Հայաստանի ֆուտբոլի ֆեդերացիայի» նախկին նախագահ Ռուբեն Հայրապետյանի դրդմամբ, նույն հանձնաժողովում ընդգրկված մի խումբ պաշտոնատար անձանց հետ հանցակցությամբ պաշտոնեական դիրքն օգտագործել է ծառայության շահերին հակառակ»,–նշված է հաղորդագրության մեջ։

Ն.Տ.-ն 2015 թվականի հունվարի 14-ին աճուրդների փաթեթներին կցել է Երևանի Ավան, Աճառյան փողոցի երեք հողամասերի աճուրդով վաճառքին մասնակցելու հայտերը։ Դրանից հետո նա կազմել է հանձնաժողովի համայնքային հողամասերն աճուրդով վաճառելու մասին նիստերի կեղծ արձանագրությունները և հողակտորները շուկայականից զգալի ցածր գներով ձևական աճուրդների միջոցով օտարվել են Ռուբեն Հայրապետյանի հետ փոխկապակցված անձանց։ Դրա հետևանքով Երևան համայնքին հասցվել է 638 մլն դրամի գույքային վնաս։

Հարցն այն է, որ Ն.Տ.-ն հրապարակային ծանուցումների  ինտերնետային կայքում (www.azdarar.am) հողակտորներն աճուրդով օտարելու վերաբերյալ ծանուցում չի հրապարակել։ Բացի այդ, չնայած այն հանգամանքին, որ Հայրապետյանի հետ փոխկապակցված անձինք Երևանի քաղաքապետարան չեն ներկայացել աճուրդին մասնակցելու համար, բայց Ն. Տ.–ն հողամասի աճուրդով վաճառքին «մասնակցելու» նրանց հայտերը կցել է փաթեթներին։

Դրանից հետո` 2015 թվականի հունվարի 19-ին, կազմել և շրջանառության մեջ է դրել հանձնաժողովի համայնքային հողամասերն աճուրդով վաճառելու մասին նիստերի կեղծ արձանագրությունները։

Ռուբեն Հայրապետյանի նկատմամբ ընտրված խափանման միջոցը չի փոխվի. բողոքը մերժվել է

Նշված կեղծ արձանագրությունների հիման վրա Երևանի քաղաքապետի որոշման հիմքով 2015 թվականի հունվարի 26-ին կնքված առուվաճառքի պայմանագրերով 808 մլն արժեք ունեցող հողամասերն օտարվել են ընդամենը 169 մլն դրամով։

Ն. Տ.–ին ՀՀ քրեական օրենսգրքի 308-րդ հոդվածի 2-րդ մասով`(Պաշտոնեական լիազորությունները չարաշահելը) և 314-րդ հոդվածի 1-ին մասով (Պաշտոնեական կեղծիքը)մեղադրանք է առաջադրվել։ Նախաքննությունը շարունակվում է:

Ըստ թեմայի

Հայրապետյանն ու իր որդին «Հարսնաքարի» տնօրենին 24 օր փակի տակ են պահել, ծեծել. տեսանյութ
«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան
Ռուբեն Հայրապետյանի որդին չի կալանավորվի. դատարանը մերժել է բողոքը
թեգերը:
Մեղադրանք, բյուջե, Երևան, Ռուբեն Հայրապետյան, Հատուկ քննչական ծառայություն (ՀՔԾ), Հայաստան

Գլխավոր թեմաներ