04:25 09 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58
Հայաստան
Ստանալ կարճ հղումը
71 0 0

Հայտնի է, թե ինչու է հետաձգվելու ՀՀ նախկին ոստիկանապետի դեմ հարուցված քրեական գործով առաջին նիստը։

ԵՐԵՎԱՆ, 27 հուլիսի – Sputnik. ՀՀ նախկին ոստիկանապետ Վլադիմիր Գասպարյանի և մյուսների գործով այսօր նախատեսված առաջին դատական նիստը կհետաձգվի։ Sputnik Արմենիայի հետ զրույցում Գասպարյանի պաշտպաններից Տիգրան Աթանեսյանը նշեց, որ նիստի հետաձգման համար իրենք են դիմում ներկայացրել դատավորին։

«Գասպարյանի պաշտպաններս երեքն ենք, և նրանցից երկուսն ինքնամեկուսացած են, ինչի համար էլ խնդրել ենք նիստը հետաձգել»,–ասաց Աթանեսյանը։

Նշենք, որ նիստը պետք է նախագահեր դատավոր Վարդան Գրիգորյանը, որի աշխատակազմից հայտնեցին` նիստը չի կայանալու, այն հետաձգվել է:

Հիշեցնենք` ՀՔԾ–ում քննվող բազմադրվագ քրեական գործով կատարված նախաքննության ընթացքում բացահայտվել են ոստիկանության նախկին բարձրաստիճան պաշտոնատար անձանց, այդ թվում` Վլադիմիր Գասպարյանի և Լևոն Երանոսյանի կողմից կատարված պաշտոնեական դիրքի չարաշահման, պաշտոնեական կեղծիքի և պետական միջոցներից առանձնապես խոշոր չափերի հափշտակության դեպքեր, որոնց հետևանքով պետությանը պատճառվել է շուրջ 114 մլն ՀՀ դրամի վնաս:

Քրեական գործով պարզվել է, որ 1997-2011 թվականներին ՀՀ ՊՆ զինվորական ոստիկանության (2007թ.-ից` ռազմական ոստիկանության) վարչության պետի, ապա ՀՀ պաշտպանության նախարարի տեղակալի պաշտոնները զբաղեցրած Վլադիմիր Գասպարյանը կատարել է առանձնապես խոշոր չափերի վատնում, այն է`ՀՀ ՊՆ զորամասի երեք զինծառայողի թույլ է տվել կատարել իրենց կարգավիճակից չբխող աշխատանքներ:

«Սթափվե՛ք, մենք արդեն անցնում ենք այս կարմիր գծերը». Վլադիմիր Գասպարյանը մտահոգված է

Վերջիններս զորամաս հաճախելու փոխարեն փաստացի աշխատել են որպես ՀՀ երրորդ նախագահ Սերժ Սարգսյանի եղբայրներ Լյովա և Ալեքսանդր Սարգսյանների վարորդ ու թիկնապահ, սակայն ՀՀ ՊՆ-ից որպես աշխատավարձ ստացել են ընդհանուր 54.790.433 դրամ, որից 21.691.481-ը` Գասպարյանի պաշտոնավարման ժամանակահատվածում:

Բացի այդ, նա 2011-2018 թվականներին զբաղեցնելով ՀՀ ԿԱ ոստիկանության պետի պաշտոնը` Վլադիմիր Գասպարյանը պաշտոնեական դիրքն օգտագործել է ծառայության շահերին հակառակ անշարժ գույք տրամադրել ոստիկանության ծառայողների
Վլադիմիր Գասպարյանին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով (յուրացում կամ վատնում) և 308-րդ հոդվածի 2-րդ մասով (պաշտոնեական լիազորությունները չարաշահում)։

Լևոն Երանոսյանին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով, 314-րդ հոդվածի (պաշտոնեական կեղծիք) 1-ին մասով և 308-րդ հոդվածի 2-րդ մասով:

Վլադիմիր Գասպարյանը 900 մլն դրամ պետք է վճարի իր տան նախկին սեփականատիրոջը

Ըստ թեմայի

Նախկին ոստիկանապետ Վլադիմիր Գասպարյանի մեղադրանքը չի փոխվել, բայց կփոխվի
ՀՀ նախկին ոստիկանապետ Վլադիմիր Գասպարյանի եղբորը մեղադրանք է առաջադրվել
«Պոտյոյին» են փորձել սպանել. ի՞նչ կապ ունի նա Վլադիմիր Գասպարյանի հետ
ՀՀ նախկին ոստիկանապետ Վլադիմիր Գասպարյանին հարցաքննել են
թեգերը:
ինքնամեկուսացում, կորոնավիրուս, Տիգրան Աթանեսյան, պաշտպան, Դատավոր, Դատարան, դատ, Քրեական գործ, Վլադիմիր Գասպարյան

Գլխավոր թեմաներ