ԵՐԵՎԱՆ, 27 հուլիսի – Sputnik. ՀՀ նախագահ Արմեն Սարգսյանի հրամանագրով` հակառակորդի կրակոցների զոհ դարձած Արթուր Մուրադյանը հետմահու պարգևատրվել է։
«Հիմք ընդունելով վարչապետի միջնորդությունը`հայրենիքի սահմանները պաշտպանելիս ցուցաբերած խիզախության և նվիրումի համար ՀՀ պաշտպանության նախարարության թիվ N զորամասի պարտադիր ժամկետային զինծառայող, շարքային Արթուր Բագրատի Մուրադյանին հետմահու պարգևատրել Մարտական ծառայության մեդալով»,– նշված է նախագահի հրամանագրում։
Հիշեցնենք, որ հուլիսի 14-ին ՀՀ հյուսիսարևելյան ուղղությամբ տեղակայված զորամասերից մեկի պահպանության տեղամասում հակառակորդի կրակոցներից վիրավորվել էր Արթուր Մուրադյանը։ Նա մահացավ հուլիսի 23-ին ՊՆ կենտրոնական կլինիկական զինվորական հոսպիտալում։ Արթուրը 6 ամսվա զինծառայող էր։
Արթուրը երկու եղբայր ունի։ Ավագ եղբոր հետ նույն զորամասում էր ծառայում, եղբայրը շուտով կզորացրվի, իսկ փոքր եղբայրը մոտ 4 տարեկան է։