Երևան, 29 հուլիսի - Sputnik. ՀՀ կառավարությունը պետական բյուջեի միջոցներով ձեռք է բերել 21 ամենագնաց շտապօգնության մեքենաներ։ Տեղեկությունը Facebook-ի իր էջում հայտնել է ՀՀ վարչապետ Նիկոլ Փաշինյանը:
Հայաստանն Արցախին շտապօգնության 10 մեքենա է նվիրում
«Շտապօգնության մեքենաները առաջիկայում կբաշխվեն Շտապօգնության մարզային ծառայություններին՝ դժվարանցանելի տեղանքներում և ձմռան պայմաններում քաղաքացիների պատշաճ շտապ բուժօգնությունը ապահովելու համար»,-գրել է վարչապետը:
Ավելի վաղ հայտնի էր դարձել, որ ՀՀ առողջապահության նախարարությունն Արցախին կփոխանցի Ford մակնիշի 10 շտապօգնության մեքենա: Դրանք ձեռք բերելու համար դեռ 2019 թվականի վերջին պետբյուջեից հատկացվել է 295 միլիոն դրամ։ Մեքենաները հագեցած են անհրաժեշտ սարքավորումներով:
Մարզերին առաջիկայում 21 հատ ՈՒԱԶ մակնիշի շտապօգնության մեքենա կտրամադրվի
