12:21 15 օգոստոսի 2020
Ուղիղ եթեր
  • USD484.83
  • GBP634.16
  • EUR571.91
  • RUB6.61
Հայաստան
Ստանալ կարճ հղումը
79 0 0

Օտարվելու է ոչ միայն հոսպիտալի, այլև 2013թ. –ից այդ տարածքում գործող «Հանրային կապերի և տեղեկատվության կենտրոն» պետական ոչ առևտրային կազմակերպության ներկայիս շենքը։

ԵՐԵՎԱՆ, 30 հուլիսի — Sputnik. ՀՀ կառավարությունը որոշել է օտարել Երևանի Օրբելի փողոցում գտնվող զինվորական հոսպիտալի շենքը։ Որոշումն այսօր հաստատվեց կառավարության հերթական նիստում։

Комплекс зданий и территории (бывший госпиталь 7-й гвардейской армии) по адресу улица Орбели 23 (30 июля 2020). Еревaн
© Sputnik / Asatur Yesayants
Երևանում զինվորական հոսպիտալի նախկին շենքը

Ինչպես ներկայացրեց ՀՀ տարածքային կառավարման և ենթակառուցվածքների նախարար Սուրեն Պապիկյանը, շենքն ու հողամասն օտարվելու են մրցութային աճուրդով։

«Երևան քաղաքի զարգացման տեսլականով պայմանավորված` որոշում է ընդունվել այն ներկայացնել աճուրդի` տեղում հյուրանոցային համալիր կառուցելու նպատակով»,– ասաց Պապիկյանը։

Գույքի գնահատված արժեքը, 2020 թվականի հուլիսի 8-ի դրությամբ, կազմում է 7 716 165 647 ՀՀ դրամ։

Նշենք, որ օտարվելու է ոչ միայն հոսպիտալի շենքը, որն արդեն մի քանի տարի է` որպես այդպիսին չի գործում, այլև 2013թ. –ից դրան կից գտնվող «Հանրային կապերի և տեղեկատվության կենտրոն» պետական ոչ առևտրային կազմակերպության շենքը (գործում էր նախկին հոսպիտալի շենքերից մեկում):

Կառավարության որոշման համաձայն` գնորդը պարտավորվելու է պահպանել արժեք ներկայացվող կառույցների ճարտարապետական տեսքը` դրանք միայն վերանորոգելով ու հարդարելով։

Փոխարենը հնարավորություն է ունենալու հոսպիտալի ներկայիս գլխավոր մասնաշենքի աջ և ձախ հատվածամասերում մինչև 12 հարկանի շինություններ կառուցելու։

Նշենք, որ աճուրդի սահմանված պայմանների համաձայն` առաջին մրցույթի ժամանակ չվաճառվելու դեպքում նոր աճուրդը կազմակերպվելու է 3–ամսյա պարբերականությամբ։ Յուրաքանչյուր նոր աճուրդի ժամանակ գույքի արժեքը նվազելու է 10 տոկոսով։

Հիշեցնենք` խորհրդային տարիներին Հայաստանում եղել է 2 զինվորական հոսպիտալ` Երևանի և Գյումրու կայազորային հոսպիտալները:

Աճուրդներում հնարամիտ ու ճարպիկ միջնորդ լինելու համար պարտադիր չէ լինել նկարիչ. Միրզոյան

Արցախյան պատերազմի տարիներին, սակայն, ՀՀ իշխանությունն Օրբելի փողոցի վրա գտնվող երևանյան հոսպիտալի պայմաններն անբավարար համարեց զինվորականներին անհրաժեշտ բուժօգնություն ցույց տալու համար։ 

Комплекс зданий и территории (бывший госпиталь 7-й гвардейской армии) по адресу улица Орбели 23 (30 июля 2020). Еревaн
© Sputnik / Asatur Yesayants
Երևանում զինվորական հոսպիտալի նախկին շենքը

Փոխարենը որոշվեց կենտրոնական նոր հոսպիտալ ստեղծել` նախկին երկաթգծի հիվանդանոցի բազայի վրա: Իսկ Օրբելու հոսպիտալը հանձնվեց Հայաստանում տեղակայված ռուսական ռազմական ուժերին։

Ըստ թեմայի

Մաքսայինի նախկին պետի հյուրանոցն աճուրդի կհանվի. մեկնարկային գինն արդեն սահմանված է
«Գոլդեն Փելեսի» աճուրդը չի կայանա. չի բացառվում, որ պետությունը շահագործի հյուրանոցը. «ՀԺ»
Կեղծ աճուրդ և մեծ փողեր. Բաղրամյան համայնքի 32-ամյա ղեկավարին մեղադրանք է առաջադրվել
թեգերը:
ՀՀ կառավարություն, կառավարություն, Հյուրանոց, աճուրդ, հոսպիտալ, Երևան

Գլխավոր թեմաներ