12:22 09 մայիսի 2021
Ուղիղ եթեր
  • USD522.09
  • GBP726.75
  • EUR630.68
  • RUB7.05
Հայաստան
Ստանալ կարճ հղումը
108 0 0

Հայտնի է, թե երբ է նշանակվել «իկրայի գործով» դատական նիստը։ Նարեկ Սամսոնյանի դեմ հայցը ներկայացրել է Նիկոլ Փաշինյանի դուստրը` Շուշան Փաշինյանը։

ԵՐԵՎԱՆ, 30 հուլիսի — Sputnik. Մեկնարկում է «իկրայի գործով» դատավարությունը։  Facebook սոցցանցի իր էջում «Քաղաքացիական գիտակցություն» ՀԿ նախագահ Նարեկ Սամսոնյանը գրել է, որ դատարանում իր շահերը կպաշտպանի Ռուբեն Մելիքյանը (Իրավապաշտպան, Արցախի նախկին ՄԻՊ,–խմբ.)։

Սամսոնյանը ամիսներ առաջ Facebook–ի իր էջում գրել էր, որ ՀՀ վարչապետ Նիկոլ Փաշինյանի ընտանիքն ամեն ամիս ռեստորաններից մեկից գնում է 3000 դոլար արժողությամբ սև խավիար։ Հետո, ըստ գրառման, երբ նորից են ուզել խավիար գնել, փորձել են անկանխիկ վճարել, բայց նրանց հայտնել են` այդ դեպքում այն ավելի թանկ է արժենալու։ Դրանից հետո Փաշինյանը ՊԵԿ–ին հրահանգել է զբաղվել այդ ռեստորանով։

«Որ ասում էինք թեժ աշուն, նաև սա նկատի ունեինք, էլի: Դատական նիստերը սկսվելու են սեպտեմբերից»,–գրել է Սամսոնյանը։

Նա հավելել է, թե Մելիքյանը ի համերաշխություն բաց տարածքներում դիմակ չկրելու իր սկզբունքի է հանել դիմակը, որպեսզի նկարվեն։

Փաստաբանները պահանջում են որոշ դեպքերում հանել դիմակ դնելու պարտադիր պահանջը

Դատական տեղեկատվական համակարգից տեղեկանում ենք, որ հայցը Սամսոնյանի դեմ ներկայացրել է Փաշինյանի դուստրը` Շուշան Փաշինյանը։ Դատական նիստը նշանակվել է սեպտեմբերի 29-ին։ Այն տեղի ունենա Երևանի ընդհանուր իրավասության դատարանում` դատավոր Զարուհի Նախշքարյանի ղեկավարությամբ։

Շուշան Փաշինյանը Նարեկ Սամսոնյանից պահանջել է ինչպես սոցցանցի իր էջում կամ տպագիր մամուլում հրապարակայնորեն հերքելու զրպարտություն համարվող արտահայտությունները, այնպես էլ 2 մլն դրամ փոխհատուցել պատվին և արժանապատվությանը հասցված վնասի համար։

Հիշեցնենք, որ Հատուկ քննչական ծառայությունը դեռ մարտին տեղեկացրել էր, որ Սամսոնյանը, գիտակցելով իր տրամադրած տեղեկատվության կեղծ լինելը, ՀՀ վարչապետի նկատմամբ կատարել է սուտ մատնություն։ Նա վարչապետին է վերագրել պաշտոնեական լիազորությունները չարաշահելու՝ ՀՀ քրեական օրենսգրքի 308-րդ հոդվածի 1-ին մասով նախատեսված հանցագործության կատարում։

Նարեկ Սամսոնյանը ՀՔԾ–ում հարցաքննվում է. նա կարծում է` Փաշինյանի ցուցումով է այնտեղ

Հանցագործության մասին սուտ մատնություն կատարելու համար Նարեկ Սամսոնյանին մեղադրանք է առաջադրվել ՀՀ քրեական օրենսգրքի 333-րդ հոդվածի 1-ին մասով։

Ըստ թեմայի

Նարեկ Սամսոնյանը բերման է ենթարկվել
Մելիքյան. «Ակտիվիստների նկատմամբ կատարվածը համակարգային բնույթի ապօրինություն էր»
Դատարանը Տիգրան Ավինյանի կնոջ «բառամթերքի» պատճառով նրա գույքի վրա արգելանք է դրել
թեգերը:
Ռուբեն Մելիքյան, սուտ, Նիկոլ Փաշինյան, Քրեական գործ, Շուշան Փաշինյան, Նարեկ Սամսոնյան

Գլխավոր թեմաներ